ഇന്റര്നാഷണല് ഡെസ്ക്-
സ്പീഡ്ടെസ്റ്റ് പ്ലാറ്റ്ഫോമായ ഓക്ല 2020 ഒക്ടോബറിലെ സ്പീഡ് ടെസ്റ്റ് ഗ്ലോബല് ഇന്ഡെക്സ് പുറത്തിറക്കി. ഒക്ടോബറിലെ സ്പീഡ് ടെസ്റ്റ് ഗ്ലോബല് ഇന്ഡക്സില് ഇന്ത്യ 131ാം സ്ഥാനത്താണ്. ഉസ്ബെക്കിസ്ഥാന്, താജിക്കിസ്ഥാന്, സൊമാലിയ, ബംഗ്ലാദേശ്, സുഡാന്, വെനിസ്വേല, പലസ്തീന്, അഫ്ഗാനിസ്ഥാന് എന്നിവ ഡൗണ്ലോഡ് വേഗതയുടെ കുറവ് മൂലം വളരെ പിന്നിലാണ്. ഇന്ഡക്സില് പാകിസ്താന് 106ാം സ്ഥാനമാണ് ഉള്ളത്. ഒക്ടോബറില് 11 റാങ്ക് പിന്നിലേക്ക് പോയ നേപ്പാള് രണ്ട് 120ാം സ്ഥാനത്തെത്തി.
ഓക്ലയുടെ സ്പീഡ്ടെസ്റ്റ് ഗ്ലോബല് ഇന്ഡെക്സ് ലോകമെമ്പാടുമുള്ള ഇന്റര്നെറ്റ് സ്പീഡ് ഡാറ്റയെ പ്രതിമാസ അടിസ്ഥാനത്തില് താരതമ്യം ചെയ്യുന്നതാണ്. ഓക്ല സ്പീഡ്ടെസ്റ്റ് ഗ്ലോബല് ഇന്ഡെക്സിനായി ഡാറ്റ സ്വീകരിക്കുന്നത് ഉപയോക്താക്കള് ഡിവൈസുകളില് നടത്തുന്ന സ്പീഡ് ടെസ്റ്റുകളില് നിന്നാണ്. ഒക്ടോബറിലെ മൊബൈല് ഡാറ്റ സ്പീഡ് ടെസ്റ്റ് ഗ്ലോബല് ഇന്ഡെക്സില് ഇന്ത്യയുടെ ശരാശരി ഡൗണ്ലോഡ്, അപ്ലോഡ് വേഗത യഥാക്രമം 12.34 എംബിപിഎസ്, 4.52 എംബിപിഎസ് എന്നിങ്ങനെയാണ്.