ഓണ്‍ലൈന്‍ പണമിടപാടുകള്‍ ഇപ്പോഴത്തെ ട്രെന്റ്. എന്തും ഏതും വാങ്ങുന്നതിന് ഇപ്പോള്‍ മൊബൈല്‍ ബാങ്കിംഗ് സൗകര്യം ഒരുക്കിയിട്ടുണ്ട്. ഈ സൗകര്യം ഉളളതിനാല്‍ ഞൊടിയിടയില്‍ തന്നെ നമ്മുടെ കാര്യങ്ങള്‍ നടത്താനും സാധിക്കുന്നു. ഇപ്പോള്‍ മിക്ക ബാങ്കുകളിലും ഓണ്‍ലൈന്‍ സൗകര്യം ലഭ്യമാണ്. എന്നാല്‍ ഓണ്‍ലൈന്‍ വഴി പണമിടപാടുകള്‍ നടത്തുമ്പോള്‍ ഈ കാര്യങ്ങള്‍ പ്രത്യേകം ശ്രദ്ധിക്കേണ്ടതുണ്ട്.
ട്രാന്‍സാക്ഷന്‍ ലിമിറ്റ് നിങ്ങള്‍ക്ക് എത്ര പണം വരെ ട്രാന്‍സാക്ഷന്‍ ചെയ്യാന്‍ സാധിക്കും എന്നുളളത് ഉറപ്പു വരുത്തുക. ഈ വാലറ്റ് വഴിയാണ് ട്രാന്‍സാക്ഷന്‍ നടത്തുന്നതെങ്കില്‍ ആ ലിമിറ്റും ഉറപ്പു വരുത്തേണ്ടതാണ്. പാസ്‌വേഡുകള്‍ വ്യത്യസ്ഥമാക്കുക മൊബൈല്‍ വഴി നടത്തുന്ന എല്ലാ പേയ്‌മെന്റുകള്‍ക്കും വ്യത്യസ്ഥ പാസ്‌വേഡുകള്‍ ഉപയോഗിക്കുക. സുരക്ഷിതമായ ഇന്റര്‍നെറ്റ് തെരഞ്ഞെടുക്കുക ഓണ്‍ലൈന്‍ പേയ്‌മെന്റുകള്‍ നടത്താന്‍ വളരെ സുരക്ഷിതമായ ഇന്റര്‍നെറ്റ് ഉപയോഗിക്കുക. പബ്ലിക്ക് വൈഫൈ ഉപയോഗിക്കരുത്. മൊബൈല്‍ പേയ്‌മെന്റ് ആപ്പ് ഇപ്പോള്‍ ഗൂഗിള്‍ പ്ലേ സ്‌റ്റോറില്‍ അനേകം വ്യാജ ആപ്‌സുകള്‍ ഉണ്ട്. അതിനാല്‍ ഓണ്‍ലൈന്‍ പേയ്‌മെന്റ് ആപ്പുകള്‍ തെരഞ്ഞെടുക്കുമ്പോള്‍ വളരെ ഏറെ ശ്രദ്ധിക്കുക. ബാങ്കിംഗ് ട്രാന്‍സാക്ഷന്‍ വളരെ സുരക്ഷിതമായ ബാങ്കിംഗ് ട്രാന്‍സാക്ഷന്‍ വേണം തിരഞ്ഞെടുക്കാന്‍.
