എഎസ്സ് ദിനേശ്-
കൊച്ചി: കെഎന്‍ ബൈജു, റിയാസ് ഖാന്‍, പ്രശസ്ത കന്നട താരം ദിഷാ പൂവ്വയ്യ എന്നിവര്‍ പ്രധാന വേഷത്തിലെത്തുന്ന ‘മായക്കൊട്ടാരം’ കെഎന്‍ ബൈജു തിരകഥയെഴുതി സംവിധാനം ചെയ്യുന്നു.
ജയന്‍ ചേര്‍ത്തല, തമിഴ് നടന്‍ സമ്പത്ത് രാമന്‍, മാമു ക്കോയ, നാരായണന്‍ കുട്ടി, സാജു കൊടിയന്‍, കേശവ ദേവ്, കുളപ്പുളി ലീല എന്നിവര്‍ക്കൊപ്പം ഒരു പുതുമുഖ നായികയും ഈ ചിത്രത്തില്‍ അഭിനയിക്കുന്നുണ്ട്.
നവഗ്രഹ സിനി ആര്‍ട്ട്‌സ്, ദേവ ക്രിയേഷന്‍സ് എന്നിവയുടെ ബാനറില്‍ എപി കേശവദേവ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം വെങ്കിട് നിര്‍വ്വഹിക്കുന്നു.
റഫീഖ് അഹമ്മദ്, രാജീവ് ആലുങ്കല്‍, മുരുകന്‍ കാട്ടാക്കട എന്നിവരുടെ വരികള്‍ക്ക് അജയ് സരിഗമ സംഗീതം പകരുന്നു. ബിജു നാരായണന്‍, മധു ബാലകൃഷ്ണന്‍, അനുരാധ ശ്രീറാം, മാതംഗി അജിത് കുമാര്‍ എന്നിവരാണ് ഗായകര്‍.
വസ്ത്രാലങ്കാരം- സുകേഷ് താനൂര്‍, പരസ്യക്കല- മനോജ് ഡിസൈന്‍, കോഡയറക്ടര്‍- ബിപി സുന്ദര്‍, അസോസിയേറ്റ് ഡയറക്ടര്‍- ജയരാജ്, അസിസ്റ്റന്റ് ഡയറക്ടര്‍-
ദിനു സുഗതന്‍, അതുല്‍ കോട്ടായി, അജയ് എസ് നായര്‍.
ഒക്ടോബര്‍ ആദ്യം ചിത്രീകരണം ആരംഭിക്കുന്ന ഈ ചിത്രത്തിലെ ഗാനങ്ങളുടെ റിക്കോഡിംങ് പൂര്‍ത്തിയായി. പെരുമ്പാവൂര്‍, പാലക്കാട് എന്നിവിടങ്ങളിലാണ് ലോക്കേഷന്‍.
വാര്‍ത്ത പ്രചരണം- എഎസ് ദിനേശ്.
