വാഹന വില്‍പ്പനയില്‍ നീണ്ട കാലം ഒന്നാം സ്ഥാനം കൈയാളിയിരുന്ന ആള്‍ട്ടോ 800നെ രണ്ടാം സ്ഥാനത്തേക്ക് പിന്തള്ളി മാരുതിയുടെ തന്നെ സ്വിഫ്റ്റ് ഒന്നാം സ്ഥാനത്ത്. ഏപ്രില്‍ മാസം ആഭ്യന്തര വിപണിയിലെ വില്‍പ്പനയിലാണ് സ്വിഫ്റ്റ് നേട്ടം കൊയ്തത്. മികച്ച വില്പന നേട്ടമുണ്ടാക്കിയ ആദ്യ പത്ത് മോഡലില്‍ ഏഴ് എണ്ണവും മാരുതിയുടെ വാഹനങ്ങളാണെന്നാണ് സിയാം പുറത്തു വിട്ട റിപ്പോര്‍ട്ടില്‍ പറയുന്നത്. ബാക്കി മൂന്നു എണ്ണം ഹ്യൂഡായ് കമ്പനിയുടെ വാഹനങ്ങളാണെന്നും റിപ്പോര്‍ട്ടില്‍ വ്യക്തമാക്കുന്നു. ഏപ്രില്‍ മാസം 23,802 സ്വിഫ്റ്റ് കാറുകളാണ് നിരത്തിലെത്തിയത്. കഴിഞ്ഞ ഏപ്രിലില്‍ ഇത്15,661 എണ്ണമായിരുന്നു. കഴിഞ്ഞ വര്‍ഷത്തെ ബെസ്റ്റ് സെല്ലിംഗ് മോഡലായ ആര്‍ട്ടോ 800 22,549 കാറുകള്‍ നിരത്തിലെത്തിച്ച് രണ്ടാം സ്ഥാനത്തേക്ക് നീങ്ങി.
