ഗായത്രി-
കൊച്ചി: ടാക്സി വിപണി കീഴടക്കാനായി മാരുതി സുസുക്കി മൂന്ന് സി.എന്.ജി മോഡലുകള് അവതരിപ്പിച്ചു. ഓള്ട്ടോ, സെലെറിയോ, ഡിസയര് എന്നിവയുടെ സി.എന്.ജി പതിപ്പുകളാണ് വിപണിയിലെത്തിയത്. പോപ്പുലര് വെഹിക്കിള്സ് ആന്റ് സര്വീസസ് സംഘടിപ്പിച്ച ചടങ്ങില് മാരുതി സുസുക്കി റീജിയണല് മാനേജര് പീറ്റര് ഐപ്പ്, ടാക്സി ഓപ്പറേറ്രേഴ്സ് അസോസിയേഷന് ഒഫ് കേരള പ്രസിഡന്റ് അനില്കുമാര് എന്നിവര് ചേര്ന്ന് പുത്തന് മോഡലുകള് വിപണിയിലിറക്കി.
ടൂര് എച്ച്1, എച്ച്2, എച്ച്3 സീരിസിലാണ് വാഹനങ്ങള് അവതരിപ്പിച്ചത്. ഓള്ട്ടോക്ക് 4.56 ലക്ഷം രൂപ, സെലെറിയോക്ക് 5.40 ലക്ഷം രൂപ, ഡിസയറിന് 6.97 ലക്ഷം രൂപ എന്നിങ്ങനെയാണ് ഓണ്റോഡ് വില.