ഫിദ-
മലയാളത്തിലെ ലേഡിസൂപ്പര് സ്റ്റാര് ആരാണെന്ന ചോദ്യത്തിന് മലയാളിക്ക് ഒരു ഉത്തരമേ ഉളളു മഞ്ജു വാര്യര്. മോഹന്ലാല് ഉള്പ്പടെയുളള മലയാളത്തിന്റെ മുന്നിര നായകന്മാര്ക്ക് ഒപ്പം തകര്പ്പന് പ്രകടനങ്ങളുമായി മഞ്ജു വാര്യര് മലയാളി പ്രേക്ഷകരെ വിസ്മയിപ്പിച്ചിട്ടുണ്ട്. എന്നാല് മഞ്ജു ഇതുവരെ മൊഗാസ്റ്റാര് മമ്മൂട്ടിക്കൊപ്പം അഭിനയിച്ചിട്ടില്ല. ഇവരെ ഒന്നിച്ച് കാണാന് ആഗ്രഹിച്ച ആരാധകര്ക്കായി ഒരു സന്തോഷ വാര്ത്ത. ഇപ്പോഴിതാ, മമ്മൂട്ടി ചിത്രത്തിലും മഞ്ജു അഭിനയിക്കുന്നുണ്ടെന്നാണ് സൂചന.
ജോഫിന് ടി ചാക്കോ സംവിധാനം ചെയ്യുന്ന ചിത്രത്തിലാണ് താരം അഭിനയിക്കുക. ഒരു തില്ലര് ചിത്രം ആയിരിക്കും ഇത്. മമ്മൂട്ടിയുടെ നായിക വേഷം ആയിരിക്കില്ലെങ്കിലും മഞ്ജുവിന്റെ ഒരു സുപ്രധാന കഥാപാത്രമായിരിക്കും എന്നാണ് റിപ്പോര്ട്ട് . ബി. ഉണ്ണികൃഷ്ണനും ആന്റോ ജോസഫും ചേര്ന്നാണ് ചിത്രം നിര്മ്മിക്കുന്നത്. മമ്മൂട്ടിക്കൊപ്പം അഭിനയിക്കുക എന്നത് തന്റെ ആഗ്രഹമാണെന്നും മികച്ച അവസാരം ലഭിക്കുകയാണെങ്കില് ഒരുമിച്ചഭിനയിക്കുമെന്നും മഞ്ജു പറഞ്ഞിരുന്നു.