വിഷ്ണു പ്രതാപ്
കൊച്ചി: മഹീന്ദ്ര ആന്റ് മഹീന്ദ്രയുടെ പുത്തന്‍ എസ്.യു.വിയായ ടി.യു.വി 300 പ്ലസ് വിപണിയിലെത്തി. 9.66 ലക്ഷം രൂപയാണ് കൊച്ചി എക്‌സ്‌ഷോറൂം വില. വിശാലവും മികച്ച ഫീച്ചറുകളാല്‍ സമ്പന്നവുമായ അകത്തളം, സുഖകരമായ ഡ്രൈവിംഗ് അനുഭവം എന്നിവയാണ് ടി.യു.വി 300 പ്ലസിന്റെ മുഖ്യ സവിശേഷതകള്‍.
ആകര്‍ഷകമായ ഗ്രില്‍, അലോയ് വീലുകള്‍, സ്‌കോര്‍പ്പിയോയില്‍ നിന്ന് കടംകൊണ്ട ഷാസി, ശക്തമായ സ്റ്റീല്‍ബോഡി, 120 ബി.എച്ച്.പി കരുത്തുള്ള 2.2 ലിറ്റര്‍ എംഹോക്ക് എന്‍ജിന്‍, 6സ്പീഡ് ട്രാന്‍സ്മിഷന്‍, ലെതര്‍ സീറ്റുകള്‍, മികച്ച ലഗേജ് സ്‌പേസ്, മികച്ച ഫിനാന്‍സ് സൗകര്യം എന്നിങ്ങനെയും പ്രത്യേകതകളുണ്ട്.
ആകര്‍ഷകമായ അഞ്ച് നിറങ്ങളില്‍ ടി.യു.വി 300 പ്ലസ് ലഭിക്കുമെന്ന് മഹീന്ദ്ര ഓട്ടോമോട്ടീവ് വിഭാഗം സെയില്‍സ് ആന്റ് മാര്‍ക്കറ്റിംഗ് മേധാവി വീജേ റാം നക്ര പറഞ്ഞു.
