ഭിന്നശേഷിക്കാരെ മുന്‍നിരയിലെത്തിക്കാന്‍ ‘മാര്‍ഗ്ഗ’

മീഡിയ ഡെസ്‌ക്-
കോഴിക്കോട്: ‘മാര്‍ഗ്ഗ’ കരിയര്‍ ആന്‍ഡ് ജോബ് കണ്‍സള്‍ട്ടന്‍സി കോഴിക്കോട് ആസ്ഥാനമായി പ്രവര്‍ത്തനം ആരംഭിച്ചു.
ഇന്ത്യയില്‍ ആദ്യമായി ഒരു പക്ഷേ ലോകത്തില്‍ തന്നെ ആദ്യമായി ഭിന്നശേഷിക്കാരനായ ഒരു വ്യക്തി രാജ്യാന്തര നിലയില്‍ ഭിന്നശേഷി സമൂഹത്തിന് മാത്രമായി തുടങ്ങുന്ന ‘മാര്‍ഗ്ഗ’ എന്ന സംരംഭം.
മനക്കരുത്തും സന്നദ്ധതയുമുള്ള ഭിന്നശേഷി സമൂഹത്തെ മുന്‍നിരയിലേക്ക് കൊണ്ടുവരുക എന്നുള്ളതാണ് ‘മാര്‍ഗ്ഗ’യുടെ പ്രധാന ഉദ്ദേശം.

ആഗസ്റ്റ് 30ന് തിങ്കളാഴ്ച രാവിലെ രാവിലെ ഒമ്പതര മണിക്ക് കോഴിക്കോട് ജില്ലാ കലക്ടര്‍ ശ്രീ എന്‍. തേജ് ലോഹിത് റെഡ്ഡി, സി ആര്‍ സി ഡയറക്ടര്‍ റോഷന്‍ പാല്‍ ബിജിലി, എന്നിവരുടെ സാന്നിധ്യത്തില്‍, ഭിന്നശേഷിക്കാരനായ ഒരു വ്യക്തിക്ക് ജോലി നല്‍കി ഉദ്ഘാടനം ചെയ്യപ്പെട്ടു.
കോവിഡ മാനദണ്ഡങ്ങള്‍ പാലിച്ചായിരുന്നു ചടങ്ങ്.

ഇന്ത്യയിലുള്ള ബധിര, മൂക, അന്ധത, ചലന പരിമിതികള്‍ ഉള്ളവര്‍ക്ക് മാത്രമായി ജോലി നല്‍കുന്നതിനായി പ്രവര്‍ത്തിക്കുന്ന ഒരു സ്ഥാപനം ആയിരിക്കും ‘മാര്‍ഗ്ഗ’.
ഭിന്നശേഷി ഉള്ള കുട്ടികളേയും, കിടപ്പ് രോഗികളേയും പരിചരിക്കുന്ന ബന്ധുക്കളായവര്‍ക്കും ജോലി തരപ്പെടുത്തി നല്‍കുന്നു കൂടാതെ സ്‌കില്‍ ഡെവലപ്‌മെന്റ് പാല്‍ ട്രെയിനിങ് പ്രോഗ്രാമുകളും നല്‍കുന്നു.
ഭിന്നശേഷിക്കാരായ വ്യക്തികള്‍ ഉണ്ടാക്കുന്ന ഉല്‍പന്നങ്ങള്‍ വില്‍ക്കുവാന്‍ ഉള്ള ഒരു ഇകോമേഴ്‌സ് പ്ലാറ്റ്‌ഫോം ഉടന്‍തന്നെ ആരംഭിക്കുകയും ഇതിലൂടെ ഭിന്നശേഷിക്കാര്‍ നിര്‍മ്മിക്കുന്ന ഉല്‍പ്പന്നങ്ങള്‍ ലോക വിപണിയിലെത്തിക്കുക എന്നതുമാണ് ‘മാര്‍ഗ്ഗ’യിലൂടെ ഉദ്ദേശിക്കുന്നത്.

‘നിങ്ങളോരോരുത്തരും ജോലി ചെയ്യുന്ന സ്ഥാപനത്തിലോ അല്ലെങ്കില്‍ സ്വന്തം സ്ഥാപനത്തിലോ ഭിന്നശേഷിയുള്ള ഒരാള്‍ക്ക് അവസരം നല്‍കാന്‍ സാധിക്കുമെങ്കില്‍ അത് നമ്മള്‍ ഓരോരുത്തരും ഒരു കുടുംബത്തോട് ഒരു സമൂഹത്തോട് ചെയ്യുന്ന ഏറ്റവും വലിയ സല്‍പ്രവര്‍ത്തി ആയിരിക്കും എന്ന് ഞാന്‍ വിശ്വസിക്കുന്നു.’ എന്നാണ് ‘മാര്‍ഗ്ഗ’യുടെ സാരഥി കോഴിക്കോട്ടുകാരനായ പ്രജിത് ജയപാല്‍ ബിസ്സ്‌ന്യൂസ് ഇന്ത്യയോട് പറഞ്ഞത്.

‘ഈയൊരു ഉദ്യമം വിജയിക്കണമെങ്കില്‍ നിങ്ങളോരോരുത്തരുടേയും സഹായ സഹകരണങ്ങളും പ്രാര്‍ത്ഥനയും നല്ലമനസ്സും കൂടെ ഉണ്ടായിരിക്കണം’ എന്ന് അദ്ദേഹം കൂട്ടിച്ചേര്‍ത്തു.

www.maargaa.com
8/1487, Peringat Building, Civil Station,
Kozhikode Pin – 673020
Office Contact Number: +91 495 2993992
Working Hours – 9:30 to 5:30pm