വിഷ്ണു പ്രതാപ്
ന്യൂഡല്ഹി: ഇന്ധന വിലക്ക് പിന്നാലെ ജനങ്ങള്ക്ക് ഇരുട്ടടിയായി പാചക വാതകത്തിന്റെ വിലയും കുത്തനെ കൂട്ടി. ഗാര്ഹിക സിലിണ്ടറിന് 49 രൂപയും വാണിജ്യ സിലിണ്ടറിന് 78.50 രൂപയുമാണ് കൂട്ടിയിരിക്കുന്നത്. ഇതോടെ സംസ്ഥാനത്ത് ഗാര്ഹിക സിലിണ്ടറിന് 688 രൂപയും വാണിജ്യ സിലിണ്ടറിന്റെ വില 1229.50 രൂപയുമായി. എന്നാല്, സബ്സിഡിയുള്ള ഉപഭോക്താക്കള്ക്ക് 190.66 രൂപ തിരികെ അക്കൗണ്ടില് എത്തും.സബ്സിഡി സിലിണ്ടറിന് ഫലത്തില് വില 497 രൂപ 87 പൈസയാവും.
ആഗോള വിപണിയിലെ ഇന്ധനവിലയുടെ അടിസ്ഥാനത്തില് ഓരോ മാസവും പാചകവാതക കമ്പനികള് പാചകവാതകത്തിന്റെ വിലയില് മാറ്റം വരുത്താറുണ്ട്. സാധാരണ മാസത്തിന്റെ അവസാന ദിവസം അര്ധരാത്രിയോടെയാണ് ഇത് തീരുമാനിക്കുന്നത്. ഇത് അനുസരിച്ചാണ് ഇന്ന് മുതല് പുതിയ വില പ്രാബല്യത്തില് വന്നിരിക്കുന്നത്.