ഫിദ-
കൊച്ചി: വാഹനങ്ങളില് ഉപയോഗിക്കുന്ന എല്.പി.ജി.യുടെ വിലയില് വന് കുതിപ്പ്. ഫെബ്രുവരിയില് ലിറ്ററിന് ഏഴരരൂപയോളമാണ് വര്ധനയുണ്ടായത്. ജനുവരി അവസാനം തിരുവനന്തപുരത്ത് ലിറ്ററിന് 43.80 ആയിരുന്നത് ഇപ്പോള് 51.23 ആയി. അടുത്തകാലത്തുണ്ടായ ഏറ്റവും വലിയ വിലക്കയറ്റമാണിത്.
ആഗോളവിപണിയിലെ വിലക്കയറ്റമാണ് രാജ്യത്തും പ്രതിഫലിച്ചതെന്നാണ് എണ്ണക്കമ്പനികളുടെ വിശദീകരണം. 2019 ഓഗസ്റ്റില് തിരുവനന്തപുരത്ത് ലിറ്ററിന് 36.59 ആയിരുന്നു വില. തുടര്ന്നുള്ള എല്ലാ മാസങ്ങളിലും വില ഉയര്ന്നു. ആറുമാസത്തിനിടെ ലിറ്ററിന് 14.64 രൂപയാണ് ഉയര്ന്നത്.
2000 ഏ പ്രില് 24 മുതലാണ് രാജ്യത്ത് വാഹനങ്ങളില് ഇന്ധനമായി വാതകം ഉപയോഗിക്കാനുള്ള അനുമതി നല്കിയത്. പെട്രോളിയം വാതകത്തിനും പ്രകൃതിവാതകത്തിനുമാണ് അനുമതി.