ഫിദ-
കൊച്ചി: സ്വര്‍ണ വ്യാപാരമേഖലയിലെ നികുതിവരുമാനം കൂട്ടണമെന്ന് ധനമന്ത്രി കെ.എന്‍. ബാലഗോപാല്‍. ഇവേ ബില്‍ പരിധി ഉയര്‍ത്തണമെന്ന സ്വര്‍ണമേഖലയുടെ ആവശ്യം ജി.എസ്.ടി കൗണ്‍സിലില്‍ അവതരിപ്പിക്കുമെന്നും മന്ത്രി പറഞ്ഞു.
അങ്കമാലിയില്‍ ഓള്‍കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്‌സ് അസോസിയേഷന്‍ (എ.കെ.ജി.എസ്.എം.എ) സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു മന്ത്രി. ചെറുകിട വ്യാപാരികളെ ദ്രോഹിക്കുന്ന സമീപനം സര്‍ക്കാരിനില്ല. നികുതി ഉദ്യോഗസ്ഥരുടെ പുനഃസംഘടനയോടെ വ്യാപാരികളുടെ ആശങ്കകള്‍ പരിഹരിക്കപ്പെടും.
സ്വര്‍ണത്തിന്റെ ഇറക്കുമതിത്തീരുവ കൂട്ടിയത് സര്‍ക്കാരിന് നേട്ടമാണ്. സ്വര്‍ണക്കള്ളക്കടത്ത് തടയാനുള്ള നടപടികള്‍ ഊര്‍ജിതമാക്കുമെന്നും മന്ത്രി വ്യക്തമാക്കി.
