ഫിദ-
ഗോതം നഗരത്തിലെ ക്രൂരനായ വില്ലന്റെ കഥപറയുന്ന ജോക്കര്‍ ബോക്‌സോഫീസില്‍ റെക്കാഡ് കളക് ഷനുമായി കുതിക്കുന്നു. ലോകവ്യാപകമായി 90 കോടി ഡോളറാണ് ( ഏകദേശം 6400 കോടി രൂപ )ജോക്കര്‍ ഇതിനോടകം നേടിയത്. ആറ് കോടി ഡോളറാണ് ചിത്രത്തിന്റെ മുതല്‍മുടക്ക് .
50 കോടിയാണ് ഡോളറാണ് അണിയറപ്രവര്‍ത്തകര്‍ ലാഭം പ്രതീക്ഷിച്ചിരുന്നത്. സൂപ്പര്‍ ഹീറോ സിനിമകളില്‍ ഏറ്റവും കൂടുതല്‍ കളക് ഷന്‍ ലഭിക്കുന്ന ചിത്രമാണ് ജോക്കര്‍. ഒക്ടോബര്‍ 2 നാണ് ജോക്കര്‍ ലോകവ്യാപകമായി റിലീസ് ചെയ്തത്. വാക്കിന്‍ ഫീനിക്‌സാണ് ജോക്കറുടെ റോളിലെത്തിയത്. തോക്കെടുക്കാനും അക്രമം അഴിച്ചുവിടാനും ജോക്കര്‍ പ്രേക്ഷകരെ പ്രേരിപ്പിക്കുന്നുവെന്നും വിമര്‍ശനങ്ങളുണ്ട്. ടോഡ് ഫിലിപ്‌സാണ് ചിത്രം സംവിധാനം ചെയ്തിരിക്കുന്നത്.
ജീവിതത്തിലുടനീളം പരിഹാസവും അപമാനവും ഏറ്റുവങ്ങിയ സ്റ്റാന്‍ഡ് അപ്പ് കൊമേഡിയന്‍ ആര്‍തര്‍ ഫ്‌ലെക്‌സ് ഗോതം സിറ്റിയെ വിറപ്പിക്കുന്ന ജോക്കറായി തീരുന്നതാണ് ചിത്രത്തിന്റെ പ്രമേയം.
