രാംനാഥ് ചാവ്ല-
ബംഗലൂരു: കര്ണാടകത്തില് സ്വകാര്യമേഖലയില് കന്നഡികര്ക്ക് സംവരണമേര്പ്പെടുത്താനൊരുങ്ങി കര്ണാടക സംസ്ഥാന സര്ക്കാര്. മലയാളികളടക്കമുള്ള ഇതരസംസ്ഥാനങ്ങളില് നിന്നുള്ളവര്ക്ക് ഇത് തിരിച്ചടിയാകാന് സാധ്യത. സ്വകാര്യസ്ഥാപനങ്ങളിലെ സി, ഡി വിഭാഗങ്ങളിലാണ് കന്നഡിഗര്ക്കു മാത്രം ജോലി നല്കാനും എ, ബി വിഭാഗങ്ങളില് നിയമനത്തിന് കന്നഡിഗര്ക്ക് മുന്ഗണന നല്കുന്നതിനുമുള്ള ഉത്തരവിറക്കുക. നിയമ, പാര്ലമെന്ററികാര്യമന്ത്രി ജെസി മധുസ്വാമിയാണ്
ഇക്കാര്യം അറിയിച്ചിരിക്കുന്നത്. വര്ഷങ്ങള്ക്കുമുമ്പേ തന്നെ കന്നഡ വികസന അതോറിറ്റി ഇക്കാര്യം സര്ക്കാരിനോട് ആവശ്യപ്പെട്ടിരുന്നു, എന്നാല് ഐടി കമ്പനികളുള്പ്പെടെയുള്ള സ്വകാര്യസ്ഥാപനങ്ങള് എതിര്പ്പ് അറിയിച്ചതിനാല് അന്ന് ഇത് നിയമമാക്കാന് കഴിഞ്ഞിരുന്നില്ല.