ജാക്ക് ആന്റ് ജില്ലിന്റെ ഷൂട്ടിംഗ് തുടങ്ങി

ജാക്ക് ആന്റ് ജില്ലിന്റെ ഷൂട്ടിംഗ് തുടങ്ങി

ഗായത്രി-
സന്തോഷ് ശിവന്റെ പുതിയ ചിത്രം ജാക്ക് ആന്റ്് ജില്ലിന്റെ ഷൂട്ടിംഗ് ആലപ്പുഴയില്‍ തുടങ്ങി. മഞ്ജു വാര്യര്‍ നായികയാകുന്ന ചിത്രത്തില്‍ കാളിദാസ് ജയറാമും സൗബിന്‍ ഷാഹിറുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. നെടുമുടി വേണു, അജു വര്‍ഗീസ്, ഇന്ദ്രന്‍സ്, സുരാജ് വെഞ്ഞാറമൂട്, രമേശ് പിഷാരടി തുടങ്ങി വന്‍താരനിര തന്നെ ഇതില്‍ അണിനിരക്കുന്നുണ്ട്. ദുബായിലുള്ള ലെന്‍സ്മാന്‍ സ്റ്റുഡിയോസിന്റെ സഹകരണത്തോടെയാണ് ചിത്രം ഒരുക്കുന്നത്. സുരേഷ് കുമാര്‍ രവീന്ദ്രന്‍, വിജേഷ് തോട്ടിങ്ങല്‍ എന്നിവര്‍ ചേര്‍ന്ന് സംഭാഷണം രചിക്കുന്നു. ഗോപിസുന്ദറാണ് സംഗീതസംവിധായകന്‍.
ത്രില്ലര്‍ ഗണത്തില്‍ പെടുത്താവുന്ന ഒരു മുഴുനീള എന്റര്‍ടെയിനറായിരിക്കും ഇതെന്നാണ് റിപ്പോര്‍ട്ടുകള്‍. ഹോളിവുഡിലെയും ബോളിവുഡിലെയും പ്രശസ്തരായ സാങ്കേതിക വിദഗ്ദ്ധര്‍ പിന്നണിയില്‍ പ്രവര്‍ത്തിക്കുന്നുണ്ട്. ലണ്ടനാണ് മറ്റൊരു ലൊക്കേഷന്‍.
മമ്മൂട്ടി നായകനാകുന്ന ബിഗ് ബഡ്ജറ്റ് ചിത്രം കുഞ്ഞാലിമരയ്ക്കാറാണ് സന്തോഷ് ശിവന്‍ മലയാളത്തില്‍ സംവിധാനം ചെയ്യുമെന്ന് പ്രഖ്യാപിച്ചിരിക്കുന്ന മറ്റൊരു ചിത്രം.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | Powered by : Swap IT Solutions Pvt. Ltd.