രാംനാഥ് ചാവ്ല
മുംബൈ: വ്യാപാര യുദ്ധം സംബന്ധിച്ച ആശങ്കകള് താല്ക്കാലികമായി അകന്നതും ഓഹരി സൂചികകള് കുതിച്ചതും രൂപയുടെ മൂല്യമുയര്ത്തി. ഉച്ചക്ക് രണ്ടുമണിയോടെ മൂല്യം 68.46 നിലവാരത്തിലെത്തി. ഇന്നലെ ഒരുവേള രൂപയുടെ മൂല്യം 69 നിലവാരത്തിലെത്തിയിരുന്നു. 68.79ലായിരുന്നു ക്ലോസിംഗ്.
ഇന്നലെ ഉച്ചയോടെ സെന്സെക്സ് 340 പോയന്റ് ഉയര്ന്ന് 35,378 നിലവാരത്തിലെത്തിയത് രൂപക്ക് ആശ്വാസമായി. പത്തുവര്ഷകാലാവധിയുള്ള ബോണ്ടില്നിന്നുള്ള ആദായം 7.889ശതമാനത്തിലേയ്ക്ക് താഴ്ന്നതും രൂപക്ക് ഗുണകരമായി. കഴിഞ്ഞദിവസത്തെ ആദായം 7.935 ശതമാനമായിരുന്നു.
വിദേശ നിക്ഷേപ സ്ഥാപനങ്ങള് ഈ വര്ഷം ഇതുവരെ 83.66 കോടി ഡോളറിന്റെ ഓഹരി നിക്ഷേപവും 845 കോടി ഡോളറിന്റെ ഡെറ്റ് നിക്ഷേപവും വിറ്റൊഴിഞ്ഞതും രൂപയുടെ മൂല്യത്തെ തളര്ത്തി.