ഫിദ
തിരു: ഇന്ഡിവുഡും ടൂര്ഫെഡും സംയുക്തമായി തുടങ്ങുന്ന സിനിമാ ടൂറിസം പദ്ധതിക്ക് തിരുവനന്തപുരത്തെ ഏരീസ് പ്ലസ് തിയറ്ററില് തുടക്കമായി. ട്രാവന്കൂര് ട്രഷേഴ്സ് എന്ന പദ്ധതിയില് ടൂറിസ്റ്റുകള്ക്ക് സിനിമയുടെ സാങ്കേതികവശങ്ങള് പരിചയപ്പെടുത്തുകയാണ് ലക്ഷ്യം. കഴക്കൂട്ടത്തെ കിന്ഫ്ര പാര്ക്കിലെ ഏരീസ് വിസ്മയ മാക്സ് സ്റ്റുഡിയോ, ഗിന്നസ് ബുക്കില് ഇടംനേടിയ ചുണ്ടന്വള്ളം, മുതുകാടിന്റെ മാജിക് പഌനറ്റ് എന്നിവയും പദ്ധതിയില് ഉള്പ്പെടുത്തിയിട്ടുണ്ട്. ഏരീസ് പഌസിനും ടൂര്ഫെഡിനും കൂടുതല് തൊഴിലവസരങ്ങള് ഉണ്ടാക്കാനും സിനിമാ ടൂറിസം സാദ്ധ്യത വര്ദ്ധിപ്പിക്കാനുമാണ് ഇതിലൂടെ ലക്ഷ്യമിടുന്നത്.