രാംനാഥ് ചാവ്ല-
മുംബൈ: അനുദിനം പുതിയ ആഴങ്ങളിലേക്ക് വീണ് രൂപ. ഇന്നലെ ഡോളറുമായുള്ള വിനിമയത്തില് ഒന്പത് പൈസയുടെ നഷ്ടത്തില് 79.90 ലാണു രൂപ ക്ലോസ് ചെയ്തത്. ചരിത്രത്തിലാദ്യമായാണു രൂപ ഇത്ര താഴുന്നത്.
ഇന്റര്ബാങ്ക് വിദേശനാണയ വിനിമയ വിപണിയില് 79.72 ല് വ്യാപാരം ആരംഭിച്ച രൂപ 79.71 വരെ ഉയരുകയും 79.92വരെ താഴുകയും ചെയ്തിരുന്നു. ക്രൂഡ് വില താഴ്ന്നതാണു രൂപയുടെ നഷ്ടം ഒമ്പത് പൈസയിലൊതുക്കിയത്.
അതിനിടെ പതിവ് തെറ്റിക്കാതെ ഡോളര് ഇന്നലെയും കൂടുതല് കരുത്തു നേടി. ആറു വിദേശ കറന്സികള്ക്കെതിരേയുള്ള ഡോളറിന്റെ കരുത്ത് അളക്കുന്ന ഡോളര് സൂചിക 0.37 ശതമാനമുയര്ന്ന് 108.36 ലെത്തി.
അതേസമയം, ഓഹരിവിപണിയുടെ നഷ്ടയാത്ര തുടര്ച്ചയായ നാലാം ദിനത്തിലേക്കു കടന്നു. ഇന്നലെ ബിഎസ്ഇ സെന്സെക്സ് 98 പോയിന്റ് താഴ്ന്ന് 53,416.15 ലും നിഫ്റ്റി 28.00 പോയിന്റ് ഇടിവോടെ 15,938 ലുമാണു വ്യാപാരം അവസാനിപ്പിച്ചത്.