ഇന്ത്യന്‍ സമുദ്ര ഭക്ഷ്യവിഭവങ്ങള്‍ക്ക് ചൈനയില്‍ ആവശ്യക്കാരേറെ

ഇന്ത്യന്‍ സമുദ്ര ഭക്ഷ്യവിഭവങ്ങള്‍ക്ക് ചൈനയില്‍ ആവശ്യക്കാരേറെ

ഫിദ-
കൊച്ചി: ഇന്ത്യന്‍ സമുദ്രങ്ങളില്‍നിന്നുള്ള ഭക്ഷ്യവിഭവങ്ങള്‍ക്ക് ചൈനയില്‍ ആവശ്യക്കാരേറുന്നു. 2019ല്‍ ജനുവരിമുതല്‍ സെപ്റ്റംബര്‍വരെ 800 മില്യണ്‍ ഡോളറിന്റെ (80 കോടി രൂപ) കയറ്റുമതിയാണ് ചൈനയിലേക്ക് നടത്തിയത്. മുന്‍വര്‍ഷത്തെ അപേക്ഷിച്ച് ഇത് മൂന്നുമടങ്ങാണ്. മീനുകള്‍ ഉള്‍പ്പെടെയുള്ള കടല്‍വിഭവങ്ങള്‍ക്കെല്ലാം ചൈനയില്‍ ആവശ്യക്കാരേറിയതോടെ ഡിസംബര്‍ അവസാനമാകുമ്പോഴേക്കും ഒരു ബില്യണ്‍ ഡോളറിന്റെ (നൂറു കോടി രൂപ) വ്യാപാരം നടക്കുമെന്നാണ് ഇന്ത്യന്‍ സമുദ്രോത്പന്ന കയറ്റുമതി വികസന അതോറിറ്റി (എം.പി.ഇ.ഡി.എ.)യുടെ പ്രതീക്ഷ.
അടുത്ത രണ്ടുവര്‍ഷത്തേക്ക് 500 മില്യന്‍ ഡോളറിന്റെ വ്യാപാരത്തിന് ഏതാനും ചൈനീസ് കമ്പനികള്‍ ഈ മാസം കരാര്‍ ഒപ്പിട്ടുകഴിഞ്ഞു. കൂടുതല്‍ കമ്പനികള്‍ കയറ്റുമതി കരാറില്‍ ഒപ്പിടുന്നതോടെ അടുത്ത വര്‍ഷം ഇന്ത്യന്‍ സമുദ്രവിഭവങ്ങളുടെ ഏറ്റവും വലിയ വിപണിയായി ചൈന മാറുമെന്നാണ് പ്രതീക്ഷ.
ചൈനയില്‍ ഇന്ത്യന്‍ കടല്‍വിഭവങ്ങളുടെ പ്രചാരണത്തിന് കേന്ദ്ര വാണിജ്യമന്ത്രാലയവും ഇന്ത്യന്‍ സമുദ്രോത്പന്ന കയറ്റുമതി വികസന അതോറിറ്റിയും ചേര്‍ന്ന് കഴിഞ്ഞമാസം നടത്തിയ എക്‌സ്‌പോയില്‍ 40 ഇന്ത്യന്‍ കയറ്റുമതി കമ്പനികള്‍ പങ്കെടുത്തിരുന്നു. മേളയില്‍ ചൈനയിലെ 50 ചൈനീസ് ഇറക്കുമതി സംരംഭകരും പങ്കെടുത്തു. ഇവയില്‍ 25 എണ്ണം ഈ രംഗത്തെ പ്രമുഖ സംരംഭകരാണ്. വരുംവര്‍ഷങ്ങളില്‍ ചൈനയിലേക്ക് ഇന്ത്യന്‍ കടല്‍വിഭവങ്ങള്‍ വന്‍തോതില്‍ ഇറക്കുമതി ചെയ്യാന്‍ ഈ സംരംഭകര്‍ സമ്മതമറിയിച്ചിട്ടുണ്ട്.

Post Your Comments Here ( Click here for malayalam )
Press Esc to close