വിഷ്ണു പ്രതാപ്-
ന്യൂഡല്ഹി: രൂപ വീണ്ടും ചരിത്രത്തിലെ ഏറ്റവും താഴ്ന്ന നിലവാരത്തിലേക്ക്. ഇന്ന് രാവിലെതന്നെ ഡോളറിനെതിരെ 72.92 നിലവാരത്തിലെത്തി രൂപയുടെ വിനിമയമൂല്യം.
വിദേശ നിക്ഷേപകര് രാജ്യത്തെ ഓഹരി വിപണിയില്നിന്ന് പിന്വാങ്ങുന്നതാണ് പ്രധാന കാരണം. ചൊവാഴ്ച മാത്രം 1454 കോടി രൂപയുടെ ഓഹരികളാണ് അവര് വിറ്റൊഴിഞ്ഞത്. വികസ്വര വിപണിയിലെ കറന്സികള് വിറ്റൊഴിഞ്ഞ് കൂടുതല് സുരക്ഷിതമായ ഡോളറിലേയ്ക്ക് നിക്ഷേപകര് മാറുന്നതും രൂപയെ ബാധിച്ചു. രാജ്യത്തിന് ആവശ്യമുള്ള അസംസ്കൃത എണ്ണയുടെ 80 ശതമാനവും ഇറക്കുമതിചെയ്യുകയാണ്. അതുകൊണ്ടുതന്നെ കറന്റ് അക്കൗണ്ട് കമ്മി അഞ്ച് വര്ഷത്തെ ഉയരത്തിലാണ്.