വിഷ്ണു പ്രതാപ്
ന്യൂഡല്‍ഹി: ഡോളറിനെതിരെ രൂപക്ക് റെക്കോര്‍ഡ് മൂല്യതകര്‍ച്ച. ഇന്ന് വ്യാപാരം തുടങ്ങിയപ്പോള്‍ ഡോളറിനെതിരെ രൂപയുടെ മൂല്യം 69.13ലേക്ക് എത്തുകയായിരുന്നു. ചൈനീസ് കറന്‍സിയായ യുവാന്റെ തകര്‍ച്ച രൂപയേയും പ്രതികൂലമായി ബാധിച്ചു. ഇതിനൊപ്പം അഭ്യന്തര ഓഹരി വിപണികളില്‍ സംഭവങ്ങളും തകര്‍ച്ചക്ക് കാരണമായി.
ഇന്നല ഡോളറിനെതിരെ 69.0650ത്തിനായിരുന്നു രൂപ ക്ലോസ് ചെയ്തത്. ജൂണ്‍ 28ന് രൂപയുടെ മൂല്യം 69.0950ത്തിലെത്തിയിരുന്നു. രൂപക്കൊപ്പം മറ്റ് ഏഷ്യന്‍ കറന്‍സികളുടെയും മൂല്യം ഇടിയുകയാണ്.
അതേ സമയം, ഇന്ത്യന്‍ ഓഹരി വിപണികള്‍ നേട്ടത്തോടെയാണ് വ്യാപാരം നടത്തുന്നത്. ബോംബെ സൂചിക സെന്‍സെക്‌സ് 62 പോയിന്റ് നേട്ടത്തിലാണ് വ്യാപാരം തുടങ്ങിയത്. ദേശീയ സൂചിക നിഫ്റ്റിയും നേട്ടത്തിലാണ്.
