വിഷ്ണു പ്രതാപ്-
ന്യൂഡല്ഹി: ചന്ദ കോച്ചാര് ഐ.സി.ഐ.സി.ഐ ബാങ്കില് നിന്ന് പടിയിറങ്ങി. ബാങ്ക് ഔദ്യോഗികമായി ഇക്കാര്യം സ്ഥീരീകരിച്ചു. ബാങ്കില് നിന്ന് നേരത്തെ വിരമിക്കാന് ചന്ദകോച്ചാര് നല്കിയ അപേക്ഷ ഐ.സി.ഐ.സി.ഐ ബോര്ഡ് ഓഫ് ഡയറക്ടേഴ്സ് അംഗീകരിച്ചു. ബോംബെ സ്റ്റോക് എക്സ്ചേഞ്ചിനെയാണ് ഐ.സി.ഐ.സി.ഐ ഇക്കാര്യം അറിയിച്ചത്.
സന്ദീപ് ബക്ഷിയെ ബാങ്കിന്റെ പുതിയ മാനേജിങ് ഡയറക്ടറായും സി.ഇ.ഒയായും നിയമിച്ചിട്ടുണ്ട്. അഞ്ച് വര്ഷമാണ് ബക്ഷിയുടെ കാലാവധി. 2023 ഒക്ടോബര് മൂന്ന് വരെ ബക്ഷി തല്സ്ഥാനത്ത് തുടരും.
കഴിഞ്ഞ ജൂണില് അഴിമതി ആരോപണങ്ങളെ തുടര്ന്ന് ചന്ദ കോച്ചാര് അവധിയില് പ്രവേശിച്ചിരുന്നു. തുടര്ന്ന് സന്ദീപ് ബക്ഷിക്ക് ഐ.സി.ഐ.സി.ഐ താല്ക്കാലിക ചുമതല നല്കിയിരുന്നു. 2009 മുതല് ഐ.സി.ഐ.സി.ഐ ബാങ്കിന്റെ തലപ്പത്ത് ചന്ദകോച്ചാര് ഉണ്ട്. സ്വകാര്യ സ്ഥാപനമായ വീഡിയോകോണിന് വായ്പ അനുവദിച്ചതില് അഴിമതിയുണ്ടെന്നാണ് ചന്ദ കോച്ചാറിനെതിരെ ഉയര്ന്ന ആരോപണം.