വിഷ്ണു പ്രതാപ്
ന്യൂഡല്‍ഹി:ഐ.സി.ഐ.സി.ഐ ബാങ്ക് ചീഫ് എക്‌സിക്യൂട്ടീവ് ഓഫീസര്‍ ചന്ദ കൊച്ചാറിനെ ചൊല്ലി ബാങ്കിന്റെ ഡയറക്ടര്‍മാര്‍ക്കിടയില്‍ ഭിന്നത. ചന്ദ കൊച്ചാര്‍ സി.ഇ.ഒ സ്ഥാനത്ത് തുടരരുതെന്നാവശ്യപ്പെട്ട് ഒരു വിഭാഗം രംഗത്തെത്തിയതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
ബാങ്കിന്റെ ഡയറക്ടര്‍ ബോര്‍ഡ് യോഗം ഉടന്‍ ചേരാനിരിക്കെയാണ് കൊച്ചാറിനെതിരെ ഒരു വിഭാഗം രംഗത്തുവരുന്നത്. 2019 മാര്‍ച്ച് 31നാണ് കൊച്ചാറിന്റെ സി.ഇ.ഒ കാലാവധി അവസാനിക്കുക.
അതേസമയം, ഭിന്നതയുണ്ടെന്ന വാര്‍ത്ത ഐ.സി.ഐ.സി ബോര്‍ഡ് ചെയര്‍മാന്‍ എം.കെ ശര്‍മ നിഷേധിച്ചു. ബോര്‍ഡില്‍ അഭിപ്രായ ഭിന്നതയില്ലെന്ന് അദ്ദേഹം മാധ്യമങ്ങളോട് പറഞ്ഞു.
