ഫിദ-
കൊച്ചി: ഹ്യുണ്ടായ് മോട്ടോര് ഇന്ത്യ ലിമിറ്റഡ് അവതരിപ്പിച്ച വണ്ടര് വാറന്ററി സൗകര്യം കൂടുതല് ഹുണ്ടായി കാറുകളിലേക്ക്. കഴിഞ്ഞ വര്ഷം ഓഗസ്റ്റ് മുതല് ഐ 10 നിയോസ് മോഡലിലൂടെ അവതരിപ്പിച്ച വണ്ടര് വാറന്റി ഇപ്പോള് ഹുണ്ടായി ഓറ മോഡലുകള്ക്കും ലഭിക്കുമെന്നു കമ്പനി അധികൃതര് അറിയിച്ചു. സാധാരണനിലയില് നല്കിവരുന്ന മൂന്നു വര്ഷ വാറന്റിക്ക് പുറമേ നാലു വര്ഷം, അഞ്ചു വര്ഷം എന്നീ അവസരങ്ങള്കൂടി ലഭ്യമാക്കുന്നതാണു വണ്ടര് വാറന്റി.
മൂന്നു വര്ഷം അല്ലെങ്കില് ഒരു ലക്ഷം കിലോമീറ്ററാണ് സാധാരണയായി കാറുകള്ക്ക് ലഭിക്കാറുള്ള വാറന്റി. വണ്ടര് വാറന്റി സൗകര്യം പ്രയോജനപ്പെടുത്തി നാല് വര്ഷം അല്ലെങ്കില് 50,000 കിലോമീറ്റര്, അഞ്ചു വര്ഷം അല്ലെങ്കില് 40,000 കിലോമീറ്റര് എന്നിങ്ങനെയുള്ള വാറന്റി ഓപ്ഷനുകള് ഉപഭോക്താവിന് തെരഞ്ഞെടുക്കാം. കുറവ് കിലോമീറ്റര് വാഹനം ഉപയോഗിക്കുന്നവരെ സംബന്ധിച്ച് ഏറെ പ്രയോജനം ചെയ്യുന്നതാണ് വണ്ടര് വാറന്റി.