എം.എം. കമ്മത്ത്
കൊച്ചി: ട്രാന്‍സ് ജെന്‍ഡേഴ്‌സിന്റെ ജീവിതത്തെ ആസ്പദമാക്കി ‘ഹോര്‍മോണ്‍’ എന്ന ചിത്രത്തിന്റെ മലയാളം, തമിഴ്, ഇംഗ്ലീഷ് പോസ്റ്ററുകള്‍ പ്രശസ്ത താരങ്ങള്‍ അവരുടെ സോഷ്യല്‍ മീഡിയ പേജുകളിലൂടെ റിലീസ് ചെയ്തു.
ആലാപ് പ്രൊഡക്ഷന്‍സിന്റെ ബാനറില്‍ ചന്ദു മണ്‍റോ നിര്‍മ്മിച്ച് ആരിഷ് വിജയ് സംവിധാനം ചെയ്യുന്ന ‘ഹോര്‍മോണ്‍’ എന്ന ചിത്രത്തിന്റെ പോസ്റ്ററാണ് റിലീസ് ചെയ്തത്.
‘ഒരു സിനിമയുടെ കഥ എഴുതാന്‍ വേണ്ടിയാണു ഞാനും എന്റെ സുഹൃത്ത് ഷനൂഫും കൂടി കേരളത്തിലെ 18 ഓളം ട്രാന്‍സ്ജന്‍ഡേഴ്‌സ് ആയി കോണ്‍ടാക്ട് ചെയ്തത്. അത് മുതല്‍ അവരെ കൂടുതല്‍ പഠിക്കണം എന്ന് തോന്നി. അവരുടെ ബാല്യം മുതലുള്ള മാറ്റങ്ങള്‍ മനസ്സിലാക്കുകയുണ്ടായി.
അവരുടെ ദുഃഖങ്ങള്‍ ഞങ്ങളുടെ വല്ലാതെ മനസ്സിനെ അലട്ടുകയുണ്ടായി. അതുവരെ അവരെക്കുറിച്ച് ഉണ്ടായിരുന്ന കാഴ്ചപ്പാട് മാറി. അവര്‍ എങ്ങനെ ഇങ്ങനെ ആയി എന്ന് ആരും ചിന്തിക്കുന്നില്ല. അവരെ മനസ്സിലാക്കുവാനോ, ഉള്‍ക്കൊള്ളുവനോ ആരും ശ്രമിക്കുന്നില്ല എന്നത് വിഷമകരമായ ഒന്നാണ്.
വലിച്ചു കീറാനൊരു മാംസപിണ്ഡമല്ല…. ജീവനുള്ള മനുഷ്യരാണ്! ഈ ഭൂമിയുടെ അവകാശികളില്‍ ഒന്ന്.! ട്രാന്‍സ്.
അവഗണനയും അവഹേളനവും നിറഞ്ഞ ജീവിതം അനുഭവിച്ചു വന്ന ട്രാന്‍സ് കമ്മ്യൂണിറ്റിയിലുള്ള സഹോദരിമാരുടെ ജീവിതത്തെ ആസ്പദമാക്കി ചെയ്യുന്ന സിനിമയുടെ പോസ്റ്റര്‍ ആണിത്. സമൂഹത്തില്‍ മുന്നിലേക്ക് വരേണ്ടവരാണ് ട്രാന്‍സ് കമ്മ്യൂണിറ്റിയിലുള്ളവര്‍. അവര്‍ക്കു വേണ്ടി അവതരിപ്പിക്കന്ന സിനിമയാണ് ‘ഹോര്‍മോണ്‍’. അവര്‍ക്കു വേണ്ടി എന്തെങ്കിലും ചെയ്യണം എന്ന തോന്നലാണ് ഈ ഒരു പ്രൊജക്ടിന് കാരണം’ എന്ന് സംവിധായകന്‍ ആരിഷ് വിജയ് പറഞ്ഞു.
ഈ ചിത്രത്തിന്റെ പ്രമോ സോംങും ഉടന്‍ റിലീസ് ചെയ്യും. ഷനൂഫ് ഉളിക്കലിന്റെ വരികള്‍ക്ക് ശബരി സംഗീതം ചെയ്ത് അന്‍വര്‍ സാദത്തും ശ്രുതി കുഞ്ഞുമോളും ചേര്‍ന്ന് ആലപിച്ചിരിക്കുന്ന ഗാനമാണ് ഉടനെ പുറത്തിറങ്ങുക. തമിഴില്‍ ഡോ. കിരുതിയ്യ ഗാനരചന നിര്‍വഹിച്ചിരിക്കുന്നു.
ചീഫ് അസോസിയേറ്റ് ഡയറക്ടര്‍- ഷനൂഫ് ഉളിക്കല്‍, ക്യാമറ- രജിത്ത് (അഡ്മിന്‍ ഫിലിംസ്), എഡിറ്റര്‍- രജിന്‍ കെ.ആര്‍, സംഗീതം ശബരി, ഗായകര്‍- അന്‍വര്‍ സാദത് & ശ്രുതി കുഞ്ഞുമോള്‍.
മലയാളം വരികള്‍- ഷനൂഫ്, തമിഴ് വരികള്‍- ഡോ. കിരുതിയ്യ, പ്രൊഡക്ഷന്‍ കണ്‍ട്രോളര്‍- അപ്പു സൂരജ് മണ്‍റോ, പ്രൊഡക്ഷന്‍ മാനേജര്‍- അരുണാക്ഷന്‍ അഴീക്കോട്, മേക്കപ്പ്- ഷിനോജ് കണ്ണൂര്‍, കോസ്റ്റ്യൂം- അര്‍ജ്ജുന്‍ അഴീക്കോട്, അസോസിയേറ്റ് ഡയറക്ടര്‍സ്- അജിന്റോ ആന്റപ്പന്‍, അന്‍സാബ് കണ്ണൂര്‍.
കോ പ്രൊഡ്യൂസര്‍- ജോബ് യോഹന്നാന്‍, തീം & തിരക്കഥ- ഷനൂഫ് & ആരിഷ്, പോസ്റ്റര്‍- ചിന്ദു മണ്‍റോ & മനോജ് രാജാമണി, വാര്‍ത്ത പ്രചരണം- എം.എം. കമ്മത്ത്.
