ന്യൂഡല്ഹി: ജാപ്പനീസ് ഇരുചക്രവാഹന നിര്മ്മാതാക്കളായ ഹോണ്ട മോട്ടോര് സൈക്കിള് ആന്ഡ് സ്കൂട്ടര് ഇന്ത്യയുടെ ഗ്രാസിയ 125 മോഡല് സ്കൂട്ടറിന്റെ വില കൂട്ടി. പുതുക്കിയ ഡല്ഹി എക്സ്ഷോറൂം വില അനുസരിച്ച് 1,100 രൂപ വരെയാണ് ഗ്രാസിയക്ക് വില കൂട്ടിയതെന്നാണ് റിപ്പോര്ട്ട്. ഹോണ്ട ഗ്രാസിയ 125 ഡ്രം, ഡിസ്ക്ക് എന്നീ രണ്ട് വേരിയന്റുകളില് ലഭ്യമാണ്. ബേസ് മോഡലിന് 903 രൂപ ഉയര്ന്ന് 74,815 രൂപയായി. അതേസമയം സ്കൂട്ടറിന്റെ ഡിസ്ക്ക് പതിപ്പിന് 1,162 രൂപ കൂടി 82,140 രൂപയായി. വില വര്ധനയല്ലാതെ ഗ്രാസിയയില് കമ്പനി ഒരുമാറ്റവും വരുത്തിയിട്ടില്ല എന്നാണ് റിപ്പോര്ട്ടുകള്. പുതിയ ഗ്രാസിയ 125 ബിഎസ് 6 പതിപ്പിനെ 2020 ജൂണ് മാസത്തിലാണ് ഇന്ത്യന് വിപണിയില് അവതരിപ്പിച്ചത്. ന്യൂജെന്നെ ലക്ഷ്യംവെച്ച് 2017 നവംബറിലാണ് അഗ്രസീവ് ഡിസൈനോടുകൂടി ഹോണ്ട ആദ്യ ഗ്രാസിയയെ നിരത്തിലെത്തിച്ചത്.