രാംനാഥ് ചാവ്ല
ന്യൂഡല്ഹി: ഇരുചക്ര വാഹന വിപണിയില് മികച്ച വളര്ച്ചയുമായി ഹീറോ മോട്ടോകോര്പ്പ്. 2017-18 സാമ്പത്തിക വര്ഷത്തില് 75 ലക്ഷം ഇരുചക്ര വാഹനങ്ങളാണ് ഹീറോ മോട്ടോകോര്പ്പ് വിറ്റത്. വില്പ്പനയില് 14 ശതമാനം വളര്ച്ചയാണ് ഇക്കാലയളവില് ഹീറോ കൈവരിച്ചത്. കഴിഞ്ഞ മാസം ചരിത്രത്തിലെ ഏറ്റവും ഉയര്ന്ന പ്രതിമാസ വില്പന കൈവരിക്കാനും ഹീറോക്ക് സാധിച്ചു. 7,34,473 വാഹനങ്ങളാണ് ഇക്കാലയളവില് വിറ്റത്.
വില്പ്പനയില് 20 ശതമാനം വളര്ച്ചയും മാര്ച്ച് മാസത്തില് രേഖപ്പെടുത്തി. ഭാവിയിലെ ഉയര്ന്ന ഡിമാന്റ് കണക്കിലെടുത്ത് ഉത്പാദനം വര്ധിപ്പിക്കാനും ഹീറോ മോട്ടോകോര്പ് പദ്ധതിയിടുന്നുണ്ട്. ഇതിന്റെ ഭാഗമായി ആന്ധ്രാപ്രദേശിലെ ചിറ്റൂരില് എട്ടാമത്തെ ഉത്പാദന ശാലക്ക് തുടക്കം കുറിച്ചു.
ഇത് പ്രവര്ത്തന സജ്ജമാകുന്നതോടെ വാര്ഷിക ഉത്പാദനം 11 ദശലക്ഷം ആയി ഉയരും. നാല് പുതിയ വാഹനങ്ങള് പുറത്തിറക്കാനും പദ്ധതിയുണ്ട്. എക്സ്ട്രീം 200ആര്, എക്സ് പള്സ്, ഡ്യുയറ്റ് 125, മാസ്ട്രോ എഡ്ജ് 125 എന്നിവയാണ് ഈ വര്ഷം വിപണിയിലെത്തുക.