ഫിദ-
കോഴിക്കോട്: ജിദ്ദ ഇന്ത്യന് കോണ്സുലേറ്റില് കമേഴ്സ്യല്, ഇന്ഫര്മേഷന് ആന്റ്് പ്രസ് കോണ്സലായി കോഴിക്കോട്ടുകാരി ഹംന മറിയം ചുമതലയേല്ക്കും. മോയിന് അഖ്തര് സ്ഥലം മാറുന്നതിനെ തുടര്ന്നാണ് ഡിസംബര് ആദ്യം ഇവര് ജിദ്ദയില് ചുമതലയേല്ക്കുക. 2017 കേഡറിലെ ഐ.എഫ്.എസുകാരിയും പാരിസ് ഇന്ത്യന് എംബസി ഉദ്യോഗസ്ഥയുമാണ്.
ഡല്ഹിയിലെ രാംജാസ് കോളജില് പഠിച്ച ഹംന ഫാറൂഖ് കോളജില് ഇംഗ്ലീഷ് അധ്യാപികയായിരിക്കെ 28ാം റാങ്കുകാരിയായി രണ്ടു കൊല്ലം മുമ്പാണ് വിദേശകാര്യ സര്വിസിലെത്തിയത്. ശിശുരോഗ വിദഗ്ധന് ഡോ. ടി.പി. അഷ്റഫിന്റെയും കോഴിക്കോട് മെഡിക്കല് കോളജ് ഫിസിയോളജിസ്റ്റ് ഡോ. പി.വി. ജൗഹറയുടേയും മകളാണ്.
ഭര്ത്താവ് തെലങ്കാന കാഡറിലെ ഐ.എ.എസുകാരനും ഹൈദരാബാദിലെ മുന് പോലീസ് മേധാവി എ.കെ. ഖാന്റെ മകനുമായ മുസമ്മില് ഖാന്. ഐ.എഫ്.എസ് നേടിയ രണ്ടാമത്തെ മുസ്ലിം മലയാളി വനിതയാണ്.