വിഷ്ണു പ്രതാപ്-
ന്യൂഡല്ഹി: ഗള്ഫില്നിന്നുള്ള വിമാനയാത്രക്കൂലി ഉള്പ്പെടെ കേരളത്തിലെ വിമാനസര്വീസുമായി ബന്ധപ്പെട്ട വിഷയങ്ങള് ചര്ച്ചചെയ്യാനായി വ്യോമയാനമന്ത്രി ഹര്ദീപ് സിങ് പുരി വിളിച്ചുചേര്ത്ത എം.പി.മാരുടെ യോഗംചേരും. വിദേശകാര്യ സഹമന്ത്രി വി. മുരളീധരന് അറിയിച്ചതാണിത്.
കേരളത്തിലെ വികസനവിഷയങ്ങള് ചര്ച്ചചെയ്യാന് മന്ത്രി മുരളീധരന് കഴിഞ്ഞമാസം 17നു സംസ്ഥാനത്തുനിന്നുള്ള എം.പി.മാരുടെ യോഗം വിളിച്ചിരുന്നു. ഗള്ഫില്നിന്ന് കേരളത്തിലേക്കുള്ള വിമാനസര്വീസുകളുമായി ബന്ധപ്പെട്ട പ്രശ്നങ്ങള്, വിമാനയാത്രക്കൂലി വര്ധന തുടങ്ങിയ വിഷയങ്ങള് അംഗങ്ങള് ആ യോഗത്തില് ഉന്നയിച്ചു. ഇക്കാര്യം വ്യോമയാനമന്ത്രിയുടെ ശ്രദ്ധയില്പ്പെടുത്തിയപ്പോഴാണു വിപുലമായ യോഗം വിളിക്കാന് തീരുമാനിച്ചത്.