അളക ഖാനം-
ദോഹ: മക്കയില് മേയ് 30ന് നടക്കാനിരിക്കുന്ന ഗള്ഫ് സഹകരണ കൗണ്സിലിന്റെ അടിയന്തര യോഗത്തിന് ഖത്തര് അമീര് ശൈഖ് തമീം ബിന് ഹമദ് ആല്ഥാനിക്ക് സൗദിയിലെ സല്മാന് രാജാവിന്റെ ക്ഷണം. ക്ഷണം ലഭിച്ചതായി ഖത്തര് ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിന് അബ്ദുറഹ്മാന് ആല്ഥാനി വാര്ത്താകുറിപ്പില് അറിയിച്ചു.
ഇക്കാര്യം ഖത്തര് വാര്ത്താ ഏജന്സിയും സ്ഥിരീകരിച്ചു. അല്ജസീറ ചാനലും ഇക്കാര്യം റിപ്പോര്ട്ട് ചെയ്തിട്ടുണ്ട്. കഴിഞ്ഞ ദിവസം ദോഹയില് നടന്ന ജി.സി.സി സെക്രട്ടറി ജനറല് അബ്ദുല്ലതീഫ് ബിന് റാഷിദ് അല് സയാനിയുമായുള്ള കൂടിക്കാഴ്ചക്കിടെയാണ് ഖത്തര് അമീറിനുള്ള ക്ഷണം ഉപപ്രധാനമന്ത്രി സ്വീകരിച്ചത്.
2017 മുതല് സൗദി, ഈജിപ്ത്, ബഹ്റൈന്, യു.എ.ഇ രാജ്യങ്ങള് ഖത്തറിനെതിരെ ഉപരോധത്തിലാണ്. ഉപരോധം രണ്ടാം വര്ഷത്തിലേക്ക് കടക്കാനിനിരിക്കേയാണ് ജി.സി.സി യോഗത്തിന് ഖത്തര് അമീറിനെ സല്മാന് രാജാവ് ക്ഷണിക്കുന്നത്.