ഒരു ലക്ഷം രൂപ വില വരുന്ന കുടകള്‍ വിപണില്‍

ഒരു ലക്ഷം രൂപ വില വരുന്ന കുടകള്‍ വിപണില്‍

അളകാ ഖാനം-
മഴ പെയ്താല്‍ എന്നും ആശ്രയം കുട തന്നെയാണ്. വിവിധ വര്‍ണങ്ങളിലും വലുപ്പത്തിലുമുള്ള കുടകളെ മഴയില്‍ നിന്ന് മാത്രമല്ല വേനല്‍ കാലത്ത് കൊടും വെയിലില്‍ നിന്നും രക്ഷനേടാനും എല്ലാവരും ആശ്രയിക്കാറുണ്ട്. എന്നാല്‍ ഇതിനൊന്നും ഉപകാരപ്പെടാത്ത ഒരു കുടയാണ് ഇപ്പോള്‍ ഫാഷന്‍ ലോകത്തെ പ്രധാന ചര്‍ച്ചാ വിഷയം.

ലോകത്തിലെ ഏറ്റവും വലിയ രണ്ട് ബ്രാന്‍ഡുകളായ ഗുച്ചിയും അഡിഡാസും. ചേര്‍ന്ന് പുറത്തിറക്കിയ കുടയാണ് ഫാഷന്‍ പ്രേമികളെ ആകെ കണ്‍ഫ്യൂഷനിലാക്കിയിരിക്കുന്നത്. ഒരു ലക്ഷം രൂപ വില വരുന്ന ഈ കുട മഴയത്ത് ഉപയോഗിക്കാന്‍ സാധിക്കില്ല. നല്ല വെയിലത്ത് ഈ കുട ചൂടിയാല്‍ എല്ലാ കുടകളേയും പോലെ സൂര്യപ്രകാശം നേരിട്ട് ഏല്‍ക്കാതിരിക്കാം എന്നത് മാത്രമാണ് ഉപയോഗം. കുടയുടെ ഹാന്‍ഡില്‍ ‘ജി’ ആകൃതിയിലാണ്. ഗുച്ചിയുടേയും അഡിഡാസിന്റേയും ലോഗ പ്രിന്റ് ചെയ്തതാണ് കുടയുടെ ശീല.

Post Your Comments Here ( Click here for malayalam )
Press Esc to close