ഫിദ-
കൊച്ചി: കേന്ദ്രവും സംസഥാനങ്ങളും ചേര്ന്ന് ജൂണില് ജി.എസ്.ടിയായി സമാഹരിച്ചത് 1.44 ലക്ഷം കോടി. 2021 ജൂണിലേക്കാള് 56 ശതമാനമാണ് വളര്ച്ച.
ജി.എസ്.ടി നടപ്പാക്കിയശേഷം ഇത് അഞ്ചാംതവണയാണ് ഒരുമാസത്തെ സമാഹരണം 1.40 ലക്ഷം കോടി രൂപ കടക്കുന്നത്. കേരളത്തിന്റെ വരുമാനം കഴിഞ്ഞമാസം 116 ശതമാനം വര്ദ്ധിച്ച് 2,161 കോടി രൂപയായി. 2021 ജൂണില് വരുമാനം 998 കോടി രൂപയായിരുന്നു.
കഴിഞ്ഞമാസത്തെ മൊത്തം ദേശീയതല വരുമാനത്തില് 25,306 കോടി രൂപ കേന്ദ്ര ജി.എസ്.ടിയും 32,406 കോടി രൂപ സംസ്ഥാന ജി.എസ്.ടിയും 75,887 കോടി രൂപ സംയോജിത ജി.എസ്.ടിയുമാണ്. സെസ് ഇനത്തില് 11,018 കോടി രൂപ ലഭിക്കുകയും ചെയ്തു.