കാര്‍ വില്‍പ്പനയില്‍ വന്‍ കുതിപ്പ്

കാര്‍ വില്‍പ്പനയില്‍ വന്‍ കുതിപ്പ്

വിഷ്ണു പ്രതാപ്
ന്യൂഡല്‍ഹി: 2018 തുടങ്ങി രണ്ടു മാസം പിന്നിടുമ്പോള്‍ കാര്‍ വിപണിയില്‍ കുതിപ്പു തുടരുന്നു. ഗ്രേറ്റര്‍ നോയിഡയിലെ ഓട്ടോ എക്‌സ്‌പോയില്‍ നിരവധി പുതിയ വാഹനങ്ങള്‍ അവതരിപ്പിക്കപ്പെട്ടത് വിപണിക്ക് ഉന്മേഷം പകര്‍ന്നതായാണ് വിലയിരുത്തല്‍. മാരുതി സുസുകി ഇന്ത്യ രണ്ടക്ക വില്‍പ്പന വളര്‍ച്ചയോടെ 1.5 ലക്ഷം വാഹനങ്ങള്‍ എന്ന നാഴികക്കലിനോട് അടുത്തു. ടൊയോട്ടയും മുന്നേറ്റം കാഴ്ചവച്ചു.
മാരുതി സുസുകിയില്‍നിന്ന് പോയ മാസം 1,49,824 കാറുകള്‍ നിരത്തിലിറങ്ങി. 2017 ഫെബ്രുവരിയെ അപേക്ഷിച്ച് 15 ശതമാനം വളര്‍ച്ച. ആഭ്യന്തര വിപണിയില്‍ 1,37,900 വാഹനങ്ങള്‍ ഇറങ്ങിയപ്പോള്‍ 11,924 വാഹനങ്ങള്‍ കയറ്റുമതി ചെയ്തു. 4.88 ശതമാനം വളര്‍ച്ചയോടെ 12,705 വാഹനങ്ങള്‍ ടൊയോട്ട കിര്‍ലോസ്‌കര്‍ മോട്ടോറില്‍നിന്ന് നിരത്തിലിറങ്ങി. ആഭ്യന്തര വിപണിയില്‍ 11,864 വാഹനങ്ങളും അന്താരാഷ്ട്ര വിപണിയില്‍ 841 വാഹനങ്ങളും വിറ്റു.
ഫോര്‍ഡ് ഇന്ത്യയില്‍നിന്ന് ഫെബ്രുവരിയില്‍ 23,965 വാഹനങ്ങള്‍ നിരത്തിലെത്തിച്ചു. വളര്‍ച്ച ഒരു ശതമാനത്തില്‍ താഴെ കുറഞ്ഞു. ആഭ്യന്തര വിപണിയില്‍ എട്ടു ശതമാനം വളര്‍ച്ച രേഖപ്പെടുത്തിയെങ്കിലും കയറ്റുമതിയില്‍ അഞ്ചു ശതമാനത്തോളം ഇടിവുണ്ടായതാണ് മൊത്തം വളര്‍ച്ചയെ പിന്നോട്ടാഴ്ത്തിയത്. ഈ മാസം മുതല്‍ തങ്ങളുടെ വാഹനങ്ങള്‍ക്ക് നാലു ശതമാനം വരെ വില ഉയരുമെന്ന് ഫോര്‍ഡ് പ്രഖ്യാപിക്കുകയും ചെയ്തു.
മഹീന്ദ്ര ആന്‍ഡ് മഹീന്ദ്ര മൊത്തം വില്പനയില്‍ 19 ശതമാനം വളര്‍ച്ച രേഖപ്പെടുത്തി 51,127 വാഹനങ്ങള്‍ വിറ്റു. യാത്രാവാഹനങ്ങളുടെ ആഭ്യന്തര വില്പനയില്‍ എട്ടു ശതമാനം വളര്‍ച്ചയോടെ 22,389 എണ്ണവും കൊമേഴ്‌സല്‍ വാഹനങ്ങളുടെ വില്പനയില്‍ 28 ശതമാനം വളര്‍ച്ചയോടെ 20,946 എണ്ണവും വിറ്റു. മഹീന്ദ്രയില്‍നിന്നുള്ള ആകെ കയറ്റുമതി 15 ശതമാനം വളര്‍ച്ചയോടെ 2,654 എണ്ണമായും ഉയര്‍ന്നു.
ടാറ്റാ മോട്ടോഴ്‌സ്38 ശതമാനം വളര്‍ച്ചയോടെ ടാറ്റാ മോട്ടോഴ്‌സില്‍നിന്ന് 58,993 വാഹനങ്ങള്‍ പോയ മാസം നിരത്തിലെത്തി.

Post Your Comments Here ( Click here for malayalam )
Press Esc to close