ഫിദ
മലയാളത്തിലെ ആദ്യത്തെ ത്രി ഡി ഡാന്സ് ചിത്രം ഒരുങ്ങുന്നു. ‘ഗ്രേറ്റ് ഡാന്സ്’. എന്നാണ് സിനിമക്ക് പേരിട്ടിരിക്കുന്നത്. നവാഗതരായ റോഷിന് ഷിറോയ്,ഷിബിന് ഷിറോയ് എന്നിവരാണ് തിരക്കഥയും സംവിധാനവും. ഹിപ്പ് ഹൊപ്പ് ‘ ഡാന്സിനു പ്രാധാന്യം നല്കി ഒരുക്കുന്ന ഈ ചിത്രത്തില് അമ്പതിലേറെ കുട്ടികളും മലയാളം തമിഴ് സിനിമയിലെ പ്രശസ്ത താരങ്ങളും അഭിനയിക്കുന്നുണ്ട്. ഷിറോയ് എന്റര്ടൈയ്മെന്റിന്റെ ബാനറിര് രാജന് ശങ്കര് നിര്മ്മിക്കുന്ന ‘ ഗ്രേറ്റ് ഡാന്സ്’ എറണാക്കുളം, മൂന്നാര്, ഗോവ എന്നിടങ്ങളിലായി ചിത്രീകരിക്കും.
ഛായാഗ്രഹണം, എഡിറ്റിംഗ്ഷിബിന്ഷിറോയ്, സംഗീതം ഫോര് മ്യൂസിക്, കലസംവിധാനംബോബന്, വസ്ത്രാലങ്കാരം സ്റ്റെഫി സേവ്യര്, പ്രൊഡക്ഷന് കണ്ട്രോളര് അമൃത മോഹന് എന്നിവര് നിര്വഹിച്ചിരിക്കുന്നു. എ എസ് ദിനേശാണ് വാര്ത്താ പ്രചരണം.
ചിത്രത്തിലേക്ക് പുതുമുഖങ്ങളെ ആവശ്യമുണ്ടെന്ന് ബന്ധപ്പെട്ടവര് അറിയിച്ചു. ഹിപ്പ് ഹൊപ്പ്,ബാലറ്റ് പഠിച്ചവര്ക്കാണ് മുന്ഗണന.
താല്പര്യമുള്ളവര് ഒരു പെര്ഫോമന്സിന്റെ വീഡിയോയും ബയോഡാറ്റയും greatdancemovie@gmail .com എന്ന ഇ മെയിലില് അയക്കണം