വിഷ്ണു പ്രതാപ്-
ന്യൂഡല്ഹി: സ്വര്ണത്തിന് ഇവേ ബില് നിര്ബന്ധമാക്കുന്നത് പരിഗണനയിലെന്ന് ജി.എസ്.ടി. കൗണ്സില്. രണ്ടുലക്ഷം രൂപയോ അതിലേറെയോ വിലവരുന്ന സ്വര്ണത്തിനും രത്നക്കല്ലുകള്ക്കുമാണ് ഇവേ ബില് നിര്ബന്ധമാക്കുക.
ഇതുസംബന്ധിച്ച് കേരള ധനമന്ത്രി കെ.എന്. ബാലഗോപാലിന്റെ നേതൃത്വത്തിലുള്ള ധനമന്ത്രിമാരുടെ സമിതി റിപ്പോര്ട്ട് തയ്യാറാക്കിയിട്ടുണ്ട്. 28നും 29നും നടക്കുന്ന ജി.എസ്.ടി. കൗണ്സില് യോഗത്തില് റിപ്പോര്ട്ട് പരിഗണിച്ചേക്കുമെന്നാണ് വിവരം.
നിലവില്, അരലക്ഷത്തിലേറെ രൂപയുടെ എല്ലാ വ്യാപാര ഇടപാടുകള്ക്കും ഇവേ ബില് നിര്ബന്ധമാണ്. എന്നാല്, ഇതു സ്വര്ണത്തിന് ബാധകമായിരുന്നില്ല.