ഗായത്രി
കൊച്ചി: ഗോദ്റെജ് ഇന്റീരിയോയുടെ ദക്ഷിണേന്ത്യയിലെ ഏറ്റവും വലിയ സ്റ്റോര് കൊച്ചിയില് പ്രവര്ത്തനം തുടങ്ങി. കുണ്ടന്നൂര് ജംഗ്ഷനു സമീപം അരൂര് – വൈറ്റില ബൈപ്പാസിലാണ് സ്റ്റേര്.
10,000 ചതുരശ്രയടി വിസ്തീണത്തില് ഒരുക്കിയ ഷോറൂമില് ഹോം ഫര്ണീച്ചര്, മാട്രസ്, കിച്ചണ്, ഓഫീസ് ഫര്ണീച്ചര്, സേയ്ഫുകള് എന്നിവയുടെ വിപുലമായ നിര ഒരുക്കിയിട്ടുണ്ട്. കഴിഞ്ഞവര്ഷം 15 ശതമാനം വര്ധനയോടെ ഗോദ്റെജ് ഇന്റീരിയോ 2,000 കോടി രൂപയുടെ വിറ്റുവരവ് നേടിയിരുന്നു. ഈവര്ഷം 20 ശതമാനം വളര്ച്ചയോടെ 2,500 കോടി രൂപയാണ് ലക്ഷ്യം. കമ്പനിയുടെ മൊത്തം വിറ്റുവരവില് പത്തു ശതമാനമാണ് കേരളത്തിന്റെ സംഭാവന.
നടനും എം.എല്.എയുമായ മുകേഷ് ഉദ്ഘാടനം ചെയ്തു. ഗോദ്റെജ് ഇന്റീരിയോ ഡിവിഷന് ചീഫ് ഓപ്പറേറ്റിംഗ് ഓഫീസര് അനില് മാഥുര്, ബി2സി മേധാവി ബിനു സി. എബ്രഹാം, ആര്. രാജേഷ്, പി. കാര്ത്തിക്, എ. വെങ്കടേശന് തുടങ്ങിയവര് സംബന്ധിച്ചു.