രാംനാഥ് ചാവ്ല-
ബംഗളുരു: പ്രമുഖ ഇകൊമേഴ്സ് സ്ഥാപനമായ ഫ്ളിപ്കാര്ട്ട്, വാള്മാര്ട്ട് ഇന്ത്യ ലിമിറ്റഡിന്റെ 100ശതമാനം ഓഹരികളും സ്വന്തമാക്കി. മൊത്തവ്യാപാരം ലക്ഷ്യമിട്ടാണ് ഫഌപ്കാര്ട്ടിന്റെ നീക്കം. ഭക്ഷ്യവസ്തുക്കളള്, പലചരക്ക്, ഫാഷന് തുടങ്ങിയ മേഖലയില് പ്രവര്ത്തനം വ്യാപിപ്പിക്കാനും വിതരണ ശ്യംഖല ശക്തിപ്പെടുത്തുന്നതിനും വാള്മാര്ട്ടിനെ ഏറ്റെടുക്കുന്നത് ഫ്ളിപ്കാര്ട്ടിന് ഗുണംചെയ്യും. ഓഗസ്റ്റോടെ മൊത്തവ്യാപരത്തിന് തുടക്കമിടാനാണ് കമ്പനി ലക്ഷ്യമിടുന്നത്. ഫ്ളിപ്കാര്ട്ടിലെ തന്നെ പ്രമുഖനായ ആദര്ശ് മേനോനായിരിക്കും ഈ വിഭാഗത്തിന്റെ ചുമതല. സുഗമമായ പ്രവര്ത്തനം ഉറപ്പാക്കാന് വാള്മാര്ട്ടിന്റെ സിഇഒയായ സമീര് അഗര്വാള് തല്ക്കാലം കമ്പനിയില് തുടരും. പിന്നീട് വാള്മാര്ട്ടിലെതന്നെ മറ്റൊരു ചുമതലയിലേയ്ക്കുമാറും. നിലവില് വാള്മാര്ട്ടിന് രാജ്യത്ത് 28 സ്റ്റോറുകളും രണ്ട് സംഭരണകേന്ദ്രങ്ങളുമുണ്ട്. ജിയോമാര്ട്ടുമായുള്ള കടുത്തമത്സരത്തിനാണ് ഇതോടെ ഫ്ളിപ്കാര്ട്ട് തയ്യാറെടുക്കുന്നതെന്ന് വ്യക്തം.