ഭക്ഷ്യോല്‍പ്പന്ന വ്യാപാരത്തിനൊരുങ്ങി ഫ്‌ളിപ്കാര്‍ട്ട്

ഭക്ഷ്യോല്‍പ്പന്ന വ്യാപാരത്തിനൊരുങ്ങി ഫ്‌ളിപ്കാര്‍ട്ട്

രാംനാഥ് ചാവ്‌ല-
ബംഗളൂരു: ആഗോള റീട്ടെയ്ല്‍ വമ്പന്‍ വാള്‍മാര്‍ട്ടിന്റെ നിയന്ത്രണത്തിലുള്ള ഇ കൊമേഴ്‌സ് കമ്പനിയായ ഫഌപ്കാര്‍ട്ട് ഇന്ത്യയില്‍ ഭക്ഷ്യോത്പന്ന റീട്ടെയ്ല്‍ ശൃംഖല ആരംഭിക്കാനൊരുങ്ങുന്നതായി റിപ്പോര്‍ട്ട്. നിലവില്‍ ഭക്ഷ്യോത്പന്നങ്ങള്‍ ഓണ്‍ലൈനില്‍ വില്‍ക്കുന്ന അഞ്ചു കേന്ദ്രങ്ങള്‍ ഫഌപ്കാര്‍ട്ടിനുണ്ട്. ഓണ്‍ ലൈന്‍ സ്‌റ്റോറുകള്‍ക്കു പുറമേ ഓഫ്‌ലൈന്‍ സ്‌റ്റോറുകള്‍കൂടി തുടങ്ങാനുള്ള ഫഌപ്കാര്‍ട്ടിന്റെ പുതിയ തീരുമാനം ഇന്ത്യയിലെ ഭക്ഷ്യോത്പന്ന വിപണിയുടെ സാധ്യതകള്‍ പരിഗണിച്ചാണെന്നാണ് വിലയിരുത്തല്‍.
ആഗോളതലത്തില്‍ വാള്‍മാര്‍ട്ട് വില്‍ക്കുന്ന സാധനങ്ങളില്‍ 50 മുതല്‍ 60 ശതമാനം വരെ ഭക്ഷ്യോത്പന്നങ്ങളാണ്. ഇന്ത്യയിലെ റീട്ടെയ്ല്‍ വിപണിയുടെ മുന്നില്‍ രണ്ടു ഭാഗവും ഭക്ഷോത്പന്നങ്ങളാണ്. വാള്‍മാര്‍ട്ടിന്റെ മുഖ്യ എതിരാളിയായ ആമസോണ്‍ അടുത്തിടെ തങ്ങള്‍ ഇന്ത്യയിലെ ഭക്ഷ്യോത്പന്ന റീട്ടെയ്ല്‍ വിപണിയില്‍ വലിയ നിക്ഷേപം നടത്തുമെന്ന് അറിയിച്ചിരുന്നു.

 

Post Your Comments Here ( Click here for malayalam )
Press Esc to close