കൊച്ചി: ഫെഡറല് ബാങ്ക് നടപ്പ് സാമ്പത്തിക വര്ഷത്തിന്റെ ആദ്യ പാദത്തില് 210.15 കോടി രൂപയുടെ അറ്റാദായമുണ്ടാക്കി. മുന് വര്ഷം ഇതേ കാലയളവിലേതിനെക്കാള് 25.61 ശതമാനം വര്ധന. മൊത്തം വരുമാനം 17.20 ശതമാനം ഉയര്ന്ന് 2,653.20 കോടി രൂപയിലെത്തി.
കറന്റ്, സേവിങ്സ് ബാങ്ക് അക്കൗണ്ടുകളിലെ നിക്ഷേപം 20.33 ശതമാനം വളര്ച്ചയോടെ 32,048.03 കോടി രൂപയിലെത്തിയിട്ടുണ്ട്. മൊത്തം നിക്ഷേപങ്ങളുടെ 33.44 ശതമാനം വരുമിത്. എന്.ആര്.ഇ. നിക്ഷേപങ്ങള് 37,370.46 കോടി രൂപയിലെത്തിയിട്ടുണ്ട്. 16.34 ശതമാനമാണ് വളര്ച്ച. റീട്ടെയില് വായ്പ 27.82 ശതമാനം വര്ധനയോടെ 22,226.73 കോടി രൂപയിലെത്തി. 1,867.94 കോടി രൂപയാണ് ജൂണ് 30ലെ കണക്കുകള് പ്രകാരം ബാങ്കിന്റെ മൊത്തം കിട്ടാക്കടം. മൊത്തം വായ്പയുടെ 2.42 ശതമാനം വരുമിത്. അറ്റ നിഷ്ക്രിയ ആസ്തി 1.39 ശതമാനമാണ്.
മൊത്തം ബിസിനസ് 22.74 ശതമാനം വര്ധനയോടെ 1,72,145.95 കോടി രൂപയിലെത്തിയിട്ടുണ്ട്. നിക്ഷേപം 18.13 ശതമാനം വര്ധിച്ച് 95,838.84 കോടിയിലെത്തിയപ്പോള് വായ്പ 29.08 ശതമാനം വളര്ച്ചയോടെ 76,307.11 കോടി രൂപയിലെത്തി.