ഗായത്രി-
തൃശൂര്: കനേഡിയന് കോടീശ്വരനായ പ്രേം വാട്സയുടെ ഉടമസ്ഥതയിലുള്ള ഫെയര്ഫാക്സ് ഇന്ത്യക്ക് കാത്തലിക് സിറിയന് ബാങ്കിന്റെ 51 ശതമാനം ഓഹരികള് കൈമാറുന്ന പ്രക്രിയ പൂര്ത്തിയായതായി ബാങ്ക് അധികൃതര്. 18 മാസം കൊണ്ടായിരിക്കും ബാങ്കിന്റെ ഓഹരികള് ഘട്ടംഘട്ടമായി ഫെയര്ഫാക്സിന്റെ ഉടമസ്ഥതയിലാകുക. ഓഹരികളുടെ നിര്ണായകമായ ഒരു ഭാഗം ഏറ്റെടുത്തു കൊണ്ടുള്ള ഫെയര്ഫാക്സിന്റെ കടന്നുവരവ് ബാങ്കിന്റെ സേവനങ്ങള് കൂടുതല് ഉപഭോക്തൃ സൗഹൃദമാക്കുന്നതിന് വഴിയൊരുക്കും. ഭാവിയിലെ വളര്ച്ചയെയും സഹായിക്കും. ഓഹരി കൈമാറ്റത്തിലൂടെ ലഭിക്കുന്ന ഫണ്ട് വഴി ബാങ്കിന്റെ ഇന്ത്യയിലുടനീളമുള്ള പ്രവര്ത്തനം വിപുലമാക്കും.