തെരഞ്ഞെടുപ്പ്; വ്യാജ വാര്‍ത്തകള്‍ തടയാന്‍ ഫേസ്ബുക്കിന്റെ യുദ്ധമുറി

തെരഞ്ഞെടുപ്പ്; വ്യാജ വാര്‍ത്തകള്‍ തടയാന്‍ ഫേസ്ബുക്കിന്റെ യുദ്ധമുറി

ഗായത്രി-
കൊച്ചി: തെരഞ്ഞെടുപ്പില്‍ നിങ്ങള്‍ക്കെന്താണ് കാര്യം’ എന്നുള്ള ചോദ്യം ഫേസ്ബുക്കിനോട് ജന്മനാടായ യുഎസ് വരെ ചോദിച്ചിട്ടുണ്ട്. എന്നാല്‍ അഭിപ്രായ രൂപീകരണത്തില്‍ സോഷ്യല്‍ മീഡിയക്ക് എത്രമാത്രം സ്വാധീനം ചെലുത്താന്‍ സാധിക്കുമെന്ന് ഇന്ന് നമുക്കറിയാം. അതുകൊണ്ടുതന്നെ ഇന്ത്യയിലും വരുന്ന തെരഞ്ഞെടുപ്പിന് സോഷ്യല്‍ മീഡിയയ്ക്ക് കര്‍ശന നിയന്ത്രണങ്ങള്‍ ഇലക്ഷന്‍ കമ്മീഷന്‍ പ്രഖ്യാപിച്ചിട്ടുണ്ട്.
ഈ സാഹചര്യത്തില്‍, വ്യാജ വാര്‍ത്തകള്‍ പ്രചരിക്കുന്നതു തടയാന്‍ വലിയൊരു സന്നാഹം തന്നെ ഒരുക്കാന്‍ തയ്യാറെടുക്കുകയാണ് ഫേസ്ബുക്ക്. വ്യാജ വാര്‍ത്തകളുടെ കുത്തൊഴുക്ക് തടയാന്‍ സോഷ്യല്‍ മീഡിയ ഭീമന്റെ ‘യുദ്ധമുറി’ ഡല്‍ഹിയില്‍ ഒരുങ്ങുന്നുണ്ടെന്നാണ് സൂചന. ഫേസ്ബുക്കിന്റെ കാലിഫോര്‍ണിയയിലെ മെന്‍ലോപാര്‍ക്ക് ഓഫീസ്, ഡബ്ലിന്‍, സിംഗപ്പൂര്‍ എന്നിവിടങ്ങളിലെ ഓഫീസുകള്‍ തുടങ്ങിയവയുമായി പ്രവര്‍ത്തിച്ചാണ് ഡല്‍ഹിയിലെ കേന്ദ്രം വ്യാജ വാര്‍ത്തകളെ പ്രതിരോധിക്കുക.
ഇതിനുമുന്‍പ് യുഎസ് തെരഞ്ഞെടുപ്പിനാണ് ഇത്തരമൊരു കേന്ദ്രം ഫേസ്ബുക്ക് സ്ഥാപിച്ചത്. വ്യാജ എക്കൗണ്ടുകള്‍ ഒഴിവാക്കുക എന്നതാണ് ആദ്യ ഘട്ടം. 2017 സെപ്തംബറിനും 2018 ഒക്ടോബറിനും ഇടയില്‍ 200 കോടി വ്യാജ പ്രൊഫൈലുകളാണ് ഫേസ്ബുക്ക് ഡിലീറ്റ് ചെയ്തത്. ഇതില്‍ ബോട്ടുകളും ഉള്‍പ്പെടും.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | Powered by : Swap IT Solutions Pvt. Ltd.