അളക ഖാനം-
കാലിഫോര്‍ണിയ: അഞ്ചു കോടി ഫേസ്ബുക്ക് അക്കൗണ്ടുകളില്‍ ഹാക്കര്‍മാര്‍ നുഴഞ്ഞുകയറി. ഫേസ്ബുക്കിലെ ‘വ്യൂ ആസ്’ എന്ന ഫീച്ചറിലൂടെയാണ് നുഴഞ്ഞുകയറിയതെന്ന് പിന്നീട് കണ്ടെത്തിയതായി ഫേസ്ബുക്ക് സുരക്ഷ മേധാവി ഗെയ് റോസന്‍ അറിയിച്ചു. ചൊവ്വാഴ്ചയാണ് സൈബര്‍ ആക്രമണം നടന്നത്. ഉടന്‍ പോലീസില്‍ അറിയിച്ചു.
വെള്ളിയാഴ്ച സുരക്ഷവീഴ്ച പരിഹരിച്ചു. ഫേസ്ബുക്ക് അക്കൗണ്ടുകള്‍ റീ ലോഗിന്‍ ചെയ്യാന്‍ നിര്‍ദേശം നല്‍കി. ഫേസ്ബുക്ക് സ്വന്തംനിലയില്‍ അന്വേഷണം നടത്തുന്നുണ്ട്. അക്കൗണ്ടുകളോ വിവരങ്ങളോ ദുരുപയോഗിച്ചതായി കണ്ടെത്തിയിട്ടില്ലെന്ന് അദ്ദേഹം പറഞ്ഞു.
