വിഷ്ണു പ്രതാപ്-
ന്യൂഡല്‍ഹി: ഫെയിം സ്‌കീമിന്റെ രണ്ടാംഘട്ടത്തില്‍ പുതിയ 670 ഇലക്ട്രിക് ബസുകള്‍ക്കും 241 ചാര്‍ജിങ് സ്‌റ്റേഷനുകള്‍ക്കും കേന്ദ്ര സര്‍ക്കാര്‍ അനുമതി. ഫാസ്റ്റര്‍ അഡോപ്ഷന്‍ ആന്റ് മാനുഫാക്ച്ചറിങ് ഓഫ്(ഹൈബ്രിഡ്) ഇലക്ട്രിക് വെഹിക്കിള്‍സ് എന്നതിന്റെ ചുരുക്കപ്പേരാണ് എഫ്എഎംഇ അഥവാ ഫെയിം. ഇവാഹനങ്ങള്‍ നിര്‍മ്മിക്കുന്ന ടാറ്റാ മോട്ടോഴ്‌സ്, മഹീന്ദ്ര പോലുള്ള കമ്പനികള്‍ക്ക് വലിയ അവസരമാണ് ഇതിലൂടെ ലഭിച്ചിരിക്കുന്നത്. 10,000 കോടി രൂപ മൂന്നുവര്‍ഷത്തെ രണ്ടാംഘട്ട ഫെയിം പദ്ധതിക്കായി അനുവദിച്ചു. മഹാരാഷ്ട്ര, ഗോവ, ഗുജറാത്ത്, ചണ്ഡീഗഡ് എന്നീ സംസ്ഥാനങ്ങളിലേക്ക് 670 ഇലക്ട്രിക് ബസുകളും കേരളം, തമിഴ്‌നാട്, മധ്യപ്രദേശ്, ഗുജറാത്ത്, പോര്‍ട്ട് ബ്ലെയര്‍ എന്നിവിടങ്ങളില്‍ 241 ചാര്‍ജിങ് സ്‌റ്റേഷനുകളും സ്ഥാപിക്കും.
