ഫിദ
ദുബായ്: ദുബായ് ഡ്യൂട്ടി ഫ്രീ ജാക്പോട്ട് നറുക്കെടുപ്പില് മലയാളിക്ക് വീണ്ടും ഭാഗ്യം. ആറ് കോടിയുടെ ലോട്ടറിയാണ് ഇരുപത്തിയഞ്ചുകാരനായ ധനീഷ് കോതാരാംബനെ തേടിയെത്തിയത്. ധനീഷിനൊപ്പം ജോര്ദാന് സ്വദേശിയായ യാസന് ഖരിയൗട്ടിയും സമ്മാനത്തുക പങ്കിടും.
കഴിഞ്ഞ ഒന്നര വര്ഷമായി ദുബായില് ഇലക്ട്രീഷ്യനായി ജോലി നോക്കുകയാണ് ധനീഷ്. അവധിക്കായി അടുത്തിടെ കേരളത്തിലേക്ക് മടങ്ങുന്നതിന് മുന്പാണ് ധനീഷ് ലോട്ടറി എടുത്തത്. ഇതാദ്യമായാണ് ധനീഷ് ദുബായ് ഡ്യൂട്ടി ഫ്രീ ടിക്കറ്റ് എടുക്കുന്നത്. ആദ്യമായി എടുത്ത ടിക്കറ്റിന് തന്നെ സമ്മാനം ലഭിച്ചതില് സന്തോഷമുണ്ടെന്ന് ധനീഷ് പറഞ്ഞു. ദൈവത്തിന് നന്ദി പറയന്നതായും ധനീഷ് പറഞ്ഞു.
ഡ്യൂട്ടി ഫ്രീ നറുക്കെടുപ്പുകളില് ഏറ്റവുമുയര്ന്ന സമ്മാനത്തുകയായ 20 കോടി ജനുവരിയില് നടന്ന നറുക്കെടുപ്പില് മലയാളിയായ ഹരികൃഷ്ണന് ലഭിച്ചിരുന്നു.