ഗായത്രി
കൊച്ചി: നടിയെ ആക്രമിച്ച കേസില് കുറ്റാരോപിതനായ നടന് ദിലീപിനെ തിരിച്ചെടുത്തതില് താരസംഘടനയായ അമ്മയുടെ നേതൃത്വത്തിനെതിരേ കൂടുതല് നടിമാര് രംഗത്ത്. ദിലീപിനെ തിരിച്ചെടുത്ത വിഷയം ചര്ച്ച ചെയ്യാന് അമ്മയുടെ ജനറല് ബോഡി യോഗം വീണ്ടും വിളിക്കണമെന്ന് നടിമാര് ആവശ്യപ്പെട്ടു. ഇക്കാര്യം ചൂണ്ടിക്കാട്ടി നടിമാരായ പത്മപ്രിയ, രേവതി, പാര്വതി എന്നിവര് ജനറല് സെക്രട്ടറി ഇടവേള ബാബുവിന് കത്ത് നല്കുകയും ചെയ്തു.
