ഗായത്രി-
കൊച്ചി: നടി ആക്രമിക്കപ്പെട്ട കേസില് പ്രതിയായ നടന് ദിലീപിനെ താരസംഘടനയായ അമ്മയിലേക്ക് തിരിച്ചെടുത്തത് ശരിയല്ലെന്ന നിലപാടില് ഉറച്ചുനില്ക്കുന്നതായി നടന് കമല്ഹാസന്. സ്വകാര്യ ചാനലിനു നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
സുഹൃത്തുക്കളുടെ കൂട്ടായ്മ എന്ന രീതിയിലല്ല ‘അമ്മ’ തീരുമാനമെടുക്കേണ്ടത്. സംഘടനയുടെ നിയമാവലിക്ക് അകത്തുനിന്ന് തീരുമാനമെടുക്കണം. ചലച്ചിത്ര അവാര്ഡ്ദാന ചടങ്ങുമായി ബന്ധപ്പെട്ട് മോഹന്ലാലിനെ ഒറ്റപ്പെടുത്താന് ശ്രമം നടക്കുന്നതായി കരുതുന്നില്ലെന്നും കമല്ഹാസന് കൂട്ടിച്ചേര്ത്തു.