ഫിദ-
ക്യൂ ആര് കോഡ് അടിസ്ഥാനമാക്കിയുള്ള ഡിജിറ്റല് ഫോട്ടോ വോട്ടര് സ്ലിപ്പ് രാജ്യത്ത് ആദ്യമായി ഡല്ഹി തെരഞ്ഞെടുപ്പില് ഉപയോഗിക്കും. നിര്മിതബുദ്ധി സാങ്കേതികവിദ്യ 11 മണ്ഡലങ്ങളിലാണ് പരീക്ഷണാടിസ്ഥാനത്തില് നടപ്പാക്കുക. മണ്ഡലങ്ങള് പിന്നീടു നിശ്ചയിക്കും.
ക്യൂ ആര് കോഡുള്ള ഡിജിറ്റല് ഫോട്ടോ വോട്ടര് സ്ലിപ്പ് പോളിംഗ് സ്റ്റേഷനില് സ്കാന്ചെയ്യുമ്പോള് എല്ലാ വിവരവും എളുപ്പത്തില് കിട്ടും. സാധാരണ വോട്ടര്സ്ലിപ്പുമായി ബൂത്തിലെത്തുന്നവരുടെ പേരുവിവരം പട്ടിക നോക്കി കണ്ടെത്താനുള്ള കാലതാമസവും ഒഴിവാകും.
ഡിജിറ്റല് വോട്ടര് സ്ലിപ്പിനു പ്രത്യേക ആപ് ഉണ്ടാകും. വോട്ടര്ക്ക് സ്വന്തം സ്മാര്ട്ട് ഫോണുമായി ബൂത്തില് നിശ്ചിതസ്ഥാനംവരെ പോകാം. ക്യൂആര് കോഡ് സ്കാന് ചെയ്തുകഴിഞ്ഞാല് ഫോണ് അവിടെ ഏല്പ്പിക്കണം.
പരീക്ഷണം വിജയിച്ചാല് അടുത്ത തിരഞ്ഞെടുപ്പില് അത് ഡല്ഹിയില്ത്തന്നെ ആദ്യം വ്യാപകമാക്കും. ക്രമേണ മറ്റു സംസ്ഥാനങ്ങളിലും നടപ്പാക്കാനാണ് ആലോചനയെന്ന് തെരഞ്ഞെടുപ്പുകമ്മിഷന് വൃത്തങ്ങള് പറഞ്ഞു.