ഗായത്രി
കൊച്ചി: കൊച്ചിയില്‍ ഇനി മത്സ്യക്കച്ചവടം നടത്താന്‍ ഒരുങ്ങുകയാണ് സാക്ഷാല്‍ ധര്‍മ്മജന്‍ ബോള്‍ഗാട്ടി. സ്വന്തമായി ഒരു മത്സ്യ ഷോറും തുടങ്ങുകയാണ് ധര്‍മ്മജനും സുഹൃത്തുക്കളും. ‘ധര്‍മ്മൂസ് ഫിഷ് ഹബ്ബ്’എന്ന് പേരിട്ട കട ജൂലൈ അഞ്ചിന് നടന്‍ കുഞ്ചാക്കോ ബോബനാണ് ഉദ്ഘാടനം ചെയ്യുന്നത്. അടുത്ത ബന്ധമുള്ള ചെമ്മീന്‍ കെട്ടുകളില്‍ നിന്നും ചീന വലക്കാരില്‍ നിന്നും നേരിട്ട് എത്തിക്കുന്ന മത്സ്യമാണ് ധര്‍മ്മൂസ് ഫിഷ് ഹബ്ബിലൂടെ വിപണനം ചെയ്യുക. മായം കലരാത്ത നല്ല മത്സ്യം ജനങ്ങളിലേക്ക് എത്തിക്കുക എന്നതാണ് ധര്‍മ്മൂസ് ഫിഷ് ഹബ്ബിലൂടെ തന്റെ ലക്ഷ്യ മെന്ന് ധര്‍മ്മജന്‍ പറഞ്ഞു. കായലും കടലുമൊക്കെ കണ്ട് വളര്‍ന്ന തനിക്ക് ഈ ബിസിനസ് ഇഷ്ടപ്പെട്ട മേഖലയാണെന്നും ധര്‍മ്മജന്‍ പറഞ്ഞു.
