ഗായത്രി
കൊച്ചി: തൃശൂര്‍ ആസ്ഥാനമായുള്ള ധനലക്ഷ്മി ബാങ്ക് 201718ലെ ജനുവരി മാര്‍ച്ച് പാദത്തില്‍ 17 കോടി രൂപ നഷ്ടം നേരിട്ടു. മുന്‍ വര്‍ഷത്തെ സമാനപാദത്തില്‍ ബാങ്ക് 8.81 കോടി രൂപയുടെ ലാഭമാണ് രേഖപ്പെടുത്തിയിരുന്നത്. ഡിസംബര്‍ പാദത്തില്‍ നഷ്ടം 21.74 കോടി രൂപയായിരുന്നു. മൊത്തം നിഷ്‌ക്രിയ ആസ്തി 4.78 ശതമാനത്തില്‍ നിന്ന് 7.35 ശതമാനത്തിലേക്കും അറ്റ നിഷ്‌ക്രിയ ആസ്തി 2.58 ശതമാനത്തില്‍ നിന്ന് 3.19 ശതമാനത്തിലേക്കും ഉയര്‍ന്നത് കഴിഞ്ഞ പാദത്തില്‍ തിരിച്ചടിയായി. സാമ്പത്തിക വര്‍ഷത്തെ മൊത്തം നഷ്ടം 24.87 കോടി രൂപയാണ്. 201617ല്‍ ബാങ്ക് 12.38 കോടി രൂപയുടെ ലാഭം നേടിയിരുന്നു.
