ഫിദ-
ന്യൂഡല്ഹി: രാജ്യത്ത് കോവിഡ് കേസുകളില് വന് വര്ധനവ്. നീണ്ട ഇടവേളയ്ക്ക് ശേഷമാണ് രാജ്യത്ത് വീണ്ടും കോവിഡ് കേസുകളില് വര്ധനവ് ഉണ്ടായിരിക്കുന്നത്. കഴിഞ്ഞ 24 മണിക്കൂറിനുള്ളില് 12,213 കോവിഡ് കേസുകളാണ് രാജ്യത്ത് പുതുതായി റിപ്പോര്ട്ട് ചെയ്തത്. കഴിഞ്ഞ ദിവസത്തേക്കാള് 38.4 ശതമാനം വര്ധനയാണ് കോവിഡ് കേസുകളില് ഉണ്ടായിരിക്കുന്നത്.
രാജ്യത്ത് കഴിഞ്ഞ 24 മണിക്കൂറിനുള്ളില് 11 മരണങ്ങളാണ് റിപ്പോര്ട്ട് ചെയ്തത്. കേരളത്തില് 3 കോവിഡ് മരണവും മഹാരാഷ്ട്രയില് രണ്ട്, കര്ണാടക , തമിഴ്നാട്, പശ്ചിമ ബംഗാള്, ഗുജറാത്ത്, ഉത്തരാഖണ്ഡ്, ഹിമാചല് പ്രദേശ് എന്നിവിടങ്ങളില് ഓരോ കോവിഡ് മരണങ്ങള് വീതവുമാണ് റിപ്പോര്ട്ട് ചെയ്തിരിക്കുന്നത്. കേരളത്തില് കഴിഞ്ഞ 24 മണിക്കൂറിനുള്ളില് 3488 പേര്ക്കാണ് രോഗബാധ സ്ഥിരീകരിച്ചത്.