സിനിമ തിയറ്ററുകള്‍ ഓഗസ്റ്റില്‍ മുതല്‍ തുറക്കാന്‍ ശിപാര്‍ശ

സിനിമ തിയറ്ററുകള്‍ ഓഗസ്റ്റില്‍ മുതല്‍ തുറക്കാന്‍ ശിപാര്‍ശ

വിഷ്ണു പ്രതാപ്-
ന്യൂഡല്‍ഹി: ലോക്ക്ഡൗണ്‍ നിയന്ത്രണങ്ങളെത്തുടര്‍ന്ന് അടച്ചിട്ടിരുന്ന സിനിമ തിയറ്ററുകള്‍ ഓഗസ്റ്റ് മുതല്‍ തുറക്കുന്നത് പരിഗണിക്കണമെന്നു കേന്ദ്ര വാര്‍ത്താവിതരണ മന്ത്രാലയത്തിന്റെ ശിപാര്‍ശ. തിയറ്റര്‍ ഉടമകളുടെയും സിനിമ വിതരണക്കാരുടെയും സംഘടനാ പ്രതിനിധികള്‍ വാര്‍ത്താവിതരണ മന്ത്രാലയ സെക്രട്ടറി അമിത് ഖരെയുമായി നടത്തിയ ചര്‍ച്ചയുടെ അടിസ്ഥാനത്തിലാണ് മന്ത്രാലയം ഈ ശിപാര്‍ശ കേന്ദ്ര ആഭ്യന്തര മന്ത്രാലയത്തിന് കൈമാറിയത്. ടിക്കറ്റ് വിതരണം ഡിജിറ്റലാക്കുക, സാനിറ്റൈസറും മാസ്‌കും നിര്‍ബന്ധമാക്കുക, ഒന്നിടവിട്ട നിരകളിലും ഒന്നിടവിട്ട സീറ്റുകളിലും ഇരിക്കാന്‍ അനുവദിക്കുക തുടങ്ങിയ നിര്‍ദേശങ്ങളും മന്ത്രാലയം മുന്നോട്ടുവച്ചിട്ടുണ്ട്. ഓഗസ്റ്റില്‍ സിനിമ തിയറ്ററുകള്‍ തുറക്കുകയാണെങ്കില്‍ സാമ്പത്തിക പ്രതിസന്ധിയും പട്ടിണിയും നേരിടുന്ന ആയിരക്കണക്കിനാളുകള്‍ക്ക് ആശ്വാസമാകുമെന്നാണ് പ്രതീക്ഷ.

Post Your Comments Here ( Click here for malayalam )
Press Esc to close